HEBRU 9:16 - Lai (Hakha) Common Language Bible 2006

^16-17 Zeicahtiah rovuih bia cu rovuitu a nun lioah cun sullam a ngei lo. Cucaah ro a vuitu kha a thi tiah fiang tein hngalh a hau i cu rovuih bia cu a thih hnu lawnglawng ah hman khawh a si.

Laibaibal Thiang (BSI)

¹⁶ Zeitintiah rovuihnâk câ a um nâkah, a thi cangmi rovuihtu zong a um hrimhrim a herh.

HEBRU 9:16 Iomraidhean Croise

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

1 KORIN 15:22

Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

JEIM 2:10

Nawlbia chung bia pakhat a buarmi cu nawlbia a dihlak in a buar a si ko.