HEBRU 9:13 - Lai (Hakha) Common Language Bible 2006

¹³ Phunglei in a thiang lomi cu meheh thi le cawtum thi le khanghmi cawfa vutcam kha an theh hna i cu bantukin phunglei in an thian lonak kha thianhpiak an si tikah mithiang ah an cang.

Laibaibal Thiang (BSI)

¹³ Zeitintiah meheh le cawpa thisen le cawla khanghnâk vutcâm kha a thurmi hna cungah an theh hna i taksa leiin thiannâk an hmuh ahcun,

HEBRU 9:13 Iomraidhean Croise

2 CHANRELNAK 30:19

“Pathian, Bawipa an pupa hna Pathian cu a lungthin in kawl aa timmi paoh cu, hmunthiang chung i i thianhnak phung ningin a tuah lo hmanh ah, a ṭhami Bawipa nih cun ngaithiam ko seh,” tiah a ti.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

EZEKIEL 44:26

An i thianh hnuah ni sarih an rel lai i cu hnuah cun an thiang lai.

NAMBAR 8:7

Cun annih cu thianh awkah hi bangin na tuah hna lai: tlenghnak ti kha na theh hna lai i namte in an pum a dihlak in i met hna seh, cun an thilpuan su hna seh law, i tleng hna seh.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

HEBRU 10:4

Zeitintiah cawtum thi le meheh thi nih cun sualnak kha a hlo kho taktak bal lo.

HEBRU 9:19

A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.