HEBRU 9:12 - Lai (Hakha) Common Language Bible 2006

¹² Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

Laibaibal Thiang (BSI)

¹² meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

HEBRU 9:12 Iomraidhean Croise

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

LEVITIKAS 16:15

“Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak ṭhutdan cung le velngeihnak ṭhutdan hmai kha a theh lai;

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

LEVITIKAS 9:15

Cun mizapi thawinak cu a pek; sual thawinak meheh, mizapi ca i a simi cu, a lak i a thah i sualnak caah a thawi, sual thawinak hmasa bik bang khan a tuah.

ZEKHARIAH 3:9

Ni khat ah ram chung sualnak kha ka thianh lai. Joshua hmai i ka chiahmi lung kha hika ah hin a um ko, a chung i mit mit sarih a ummi lung kha.

MARKA 3:29

sihmanhsehlaw Thiang Thlarau ralchanh in bia ṭha lo a chimmi cu zeitikhmanh ah ngaihthiam khawh an si lai lo, zeicahtiah zungzal in a hmunmi sualnak kha an tuah cang,” tiah a ti.

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 10:19

Cucaah ka u le ka nau hna, Jesuh thihnak thawngin Hmun Thiang Bik chungah khan luhnak nawl kan ngei cang.

HEBRU 10:4

Zeitintiah cawtum thi le meheh thi nih cun sualnak kha a hlo kho taktak bal lo.

HEBRU 13:12

Hi ruangah hin Jesuh zong kha, hau lengah a thih kha a si i cucu a thi in mi kha kan sualnak thianhpiak a kan duh caah a si.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

HEBRU 7:27

Amah cu tlangbawi dang hna bantuk kha a si lo, amah sualnak caah siseh, midang sualnak caah siseh, ni fate in raithawinak tuah kha a herh lo. Amah le amah raithawinak i aa pek ah khan zungzal ca za in raithawinak pakhat a tuah.

HEBRU 9:13

Phunglei in a thiang lomi cu meheh thi le cawtum thi le khanghmi cawfa vutcam kha an theh hna i cu bantukin phunglei in an thian lonak kha thianhpiak an si tikah mithiang ah an cang.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

HEBRU 9:19

A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

HEBRU 9:7

asinain chungchin thlam ah khan cun Tlangbawi Ngan lawng a lut kho i cu zong cu kum khat ah voi khat lawng a si. Thisen kha aa put i amah caah le mi nih hngalh loin an tuahmi sualnak caah Pathian sinah khan a pek.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.