HEBRU 8:1 - Lai (Hakha) Common Language Bible 2006

¹ Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

Laibaibal Thiang (BSI)

¹ Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

HEBRU 8:1 Iomraidhean Croise

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

JOB 37:22

Cun thli a hung hrang i a chem hna i chaklei in sui bantuk ceunak a hung chuak; Pathian cu ṭihnung lianhngannak in aa thuam.

SALM 104:1

Maw ka nunnak, Bawipa cu thangṭhat tuah! Bawipa ka Pathian, zeitluk in dah na lianhngan! Sunparnak le lianhngannak in naa thuam i

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 145:12

Cucaah mi vialte nih thil khuaruahhar na tuahmi kha an hngalh lai i na pennak a sunpar ning le a lianhngan ning kha an hmuh lai.

SALM 21:5

Nangmah nih na bawmh caah a sunparnak cu a ngan, minthannak le lianhngannak na pek,

ISAIAH 24:14

A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

KOLOSE 3:1

Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi ṭhutdan cung i a ṭhutnak vancung khua chung i a ummi thil tu kha nan lung in i seh chih hna u.

HEBRU 1:13

Pathian nih a vancungmi kha, “Na ral cu na ke tangah ka chiah hna hlan tiang, Ka orhlei kamah hin ṭhu tuah,” tiah ahohmanh a ti bal hna lo.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 10:12

Asinain Khrih nih cun raithawinak kha sualnak caah voi khat a ser i cucu zungzal ca in a za ko, cu hnuah Pathian orhlei kamah khan a ṭhu.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.