HEBRU 7:6 - Lai (Hakha) Common Language Bible 2006

⁶ Sihmanhsehlaw Melkhizedek cu Levi hrinsor a si lo nain cheu hra cheu khat kha Abraham sin hmanh cun a khawlh i Pathian thluachuahnak a hmumi Abraham kha thluachuahnak a pek.

Laibaibal Thiang (BSI)

⁶ Asinain anmah hrinthlakmi zong a si lomi nih Abraham sinin cheuhra cheukhat a lâk i biakamnâk ngeitu kha thluachuah a pêk.

HEBRU 7:6 Iomraidhean Croise

GENESIS 12:13

Cucaah a far ka si, tiah na ti hna lai i nangmah thawngin an ka nunh lai i ka caah harnak zeihmanh a um lai lo,” a ti.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

LAMKALTU 3:25

Pathian nih a profet hna sinin biakamnak a sermi cu nanmah caah a si i nan pupa hna sinah Pathian nih biakamnak a sermi chung i aa telmi cu nan si. Kha biakamnak a ser tikah khan Abraham sinah cun a thawh i, ‘Nangmah na tefa hna thawngin vawleicung mi vialte cu thluachuahnak ka pek hna lai,’ tiah a rak ti.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

ROM 9:4

Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

GALATI 3:16

Pathian nih bia a kamhmi cu Abraham le a tefa pakhat kha an si. Cathiang nih, mi tampi ti duhnak caah, “na tefa hna,” tiin a ti lo. A timi cu, “na tefa,” ti lawng a si i cucu mi pakhat a ti duhnak a si i cu mi pakhat cu Khrih kha a si.

HEBRU 11:13

Hi mi vialte hna hi zumhnak ngei in an thi. Pathian nih a kamhmi hna cu an hmu lo, sihmanhsehlaw lamhlatpi in an rak hmuh i an rak i lawm i vawlei cungah hin khual le a vakvai menmi kan si, an rak ti.

HEBRU 11:17

Pathian nih Abraham cu a hneksak tikah, a fapa Isak kha raithawinak ah a pekchanhtertu cu zumhnak a si. Pathian nih bia a kamhmi cu Abraham kha a si, sihmanhsehlaw a fapa ngeihchunte pakhat kha raithawinak i pekchanh awkah aa tim kho ko.

HEBRU 7:1

Melkhizedek cu Salem siangpahrang a rak si i Cung Nung Bik Pathian tlangbawi a rak si. Abraham cu siangpahrang hna a tei hnanak raltuknak hmun khan a hung kir tikah Melkhizedek nih cun a rak don i thluachuahnak a rak pek.

HEBRU 7:7

Thluachuah petu cu thluachuah pekmi nakin a ngan deuh ti cu a fiangmi a si.