HEBRU 7:26 - Lai (Hakha) Common Language Bible 2006

²⁶ Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

Laibaibal Thiang (BSI)

²⁶ Zeitintiah cubantuk Tlângbawi Nganbik, a thiangmi, fahnâk pe ballo, thûrter lomi, misual hna sin in thleidanmi, van nâkin a sâng deuhmi cu kan ngeih awk ah â tlakmi a si.

HEBRU 7:26 Iomraidhean Croise

SALM 68:18

Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

EXODUS 28:36

“Cun sui thiang in ṭamhnak pakhat na ser lai i a cungah, “Bawipa sin pekmi” tiah na ṭial lai.

ISAIAH 53:9

Sualnak zeihmanh a tuah bal lo nain le lih pakhat hmanh a chim bal lo nain misual mi hna he khan thlan khat ah an vui ṭi i mirum mi hna sinah khan an vui.”

EZEKIEL 44:27

Hmun Thiang Bik chung i rian ṭuan awkah chungchin tual ah khan an luh tikah, an sual thawinak kha an pekchanh lai, tiah Bawipa Pathian nih a ti.

NAMBAR 29:26

“Ni nganak ni ah cawtum pakua, tuukawng pahnih, kum khat a timi tuufa a pa dotla hleili,

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

LUKA 23:22

Pilat nih cun a chimh ṭhan hoi hna i, “Zei sualnak dah a tuah? Thih awktlak thil a tuahmi pakhat hmanh ka hmu kho lo. Fung in ka tukter hna lai i ka thlah lai,” a ti.

LUKA 23:41

Sihmanhsehlaw kannih ca i biakhiahnak an tuahmi cu ahmaanmi a si, zeicahtiah kan tuahmi ruangah kan hmuh awk a simi kha kan hmuh; sihmanhsehlaw anih hi cu ṭhat lonak zeihmanh a tuah lo,” tiah a ti.

LUKA 23:47

Cucu ralbawipa nih khan a hmuh i Pathian kha a thangṭhat i; “Hi pa hi a sual hrimhrim lo,” tiah a ti.

LUKA 24:26

Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti.

LUKA 24:46

Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho ṭhan lai,

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 8:29

A ka thlahtu cu ka sinah a um i a duhmi kha ka tuah zungzal caah a ka kaltak bal lo,” tiah a ti.

LAMKALTU 3:14

Amah cu mithiang le miṭha a si nain nannih nih cun nan duh lo i Pilat cu lainawng lehlam kha kan thlahpiak ko, nan ti.

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 7:11

Levi mi tlangbawi sining in Israel mi cu Nawlbia kha pek va si hna kaw, Levi tlangbawi pawl an rian ṭuannak kha a tlingmi rak si seh law, tlangbawi phun dang, Aaron tlangbawi sining si lo i Melkhizedek tlangbawi sining in a simi chuah kha a herh hnga lo.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.

1 PETER 2:22

Sualnak zeihmanh a tuah lo, lih a chim bal lo.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.