HEBRU 6:2 - Lai (Hakha) Common Language Bible 2006

² tipil innak kong tehna, kutchuannak kong tehna, mithi thawhṭhannak kong tehna le zungzal biaceihnak kong tehna hi, an hram ah i hel lengmang ti hlah u sih.

Laibaibal Thiang (BSI)

² baptisma zumhnâk, kutchuannâk, mitthi thawhṭhannâk le zungzal biaceihnâk timi hna hram kha bunh ti lo in.

HEBRU 6:2 Iomraidhean Croise

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

MATTHAI 3:14

Sihmanhsehlaw Johan nih cun a rak al i, “Keimah pei nangmah nih tipil pek awk ka si cu, ka sin i nangmah lehtuk na rat,” tiah a rak ti.

MARKA 16:16

A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.

MARKA 7:4

cun chawdawr i an va cawkmi thil zong kha a ningcang tein an ṭawl hna lo ahcun an ei fawn hna lo. Cuticun an pupa hna nih an chimhmi hna phung dangdang zong an zulhmi tampi a um, a biana ah hrai ṭawlning tehna, um ṭawlning tehna, darkheng ṭawlning tehna le ihkhun ṭawlning tehna an si.

MARKA 7:8

“Nannih nih cun Pathian nawlbia kha nan chiah riangmang i minung cawnpiaknak tu kha nan zulh deuh,” tiah a ti hna.

LUKA 11:38

Jesuh nih rawl ei hlanah a kut aa ṭawl lo kha Farasi mi nih cun a hmuh tikah a khuaruah a har.

LUKA 12:50

Tipil in awk pakhat ka ngei i cucu a dih hlanah cun ka lungre a va thei dah.

LUKA 14:14

annih nih an in cham khawh lai lo caah thluachuahnak na hmu lai. Miṭha mi kha thihnak in an thawh ṭhan tikah Pathian nih an cham lai,” tiah a ti.

LUKA 3:16

Cucaah Johan nih cun an dihlak in a thawh hna i, “Kei nih cun tiin tipilnak kan pek hna, sihmanhsehlaw keimah nakin a ngan deuh ngaingaimi a ra lio. A kedan hri phoihtu hmanh ah kei cu kaa tlak lo. Amah nih cun Thiang Thlarau le mei in tipilnak an pek hna lai.

JOHAN 1:33

Amah cu ka rak hngal ṭhiamṭhiam lo, sihmanhsehlaw ti in tipilnak va pe hna tiah a ka thlahtu nih khan, ‘Mi pakhatkhat cungah Thiang Thlarau kha a rung ṭum i aa fut kha na hmuh tikah, cu pa cu Thiang thlarau in tipilnak a petu hna ding cu a si ti kha na hngalh lai,’ a ka ti.

JOHAN 5:29

cun an thlan khan an chuak lai i ṭhatnak a tuahmi kha an tho lai i an nung lai; ṭhat lonak a tuahmi kha an tho ve lai i sualphawt an si lai,” tiah a ti.

LAMKALTU 10:47

“Hi mi hna nih hin Thiang Thlarau cu kanmah nih kan rak hmuh bantukte khan an hmuh ve. Cucaah ti in tipilnak in awkah aho nih an dawn kho hna hnga maw?” tiah a ti.

LAMKALTU 13:3

Rawl an ulh i thla an cam dih in an cungah an kut an chuan i an thlah hna.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

LAMKALTU 16:33

Cun cu zan ṭhiamṭhiam ah cun thonginn bawi nih khan a kalpi hna i an hma kha a ṭawlpiak hna; chikkhatte ah amah le a innchungkhar dihlak in tipilnak an ing colh.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 23:6

Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

LAMKALTU 24:15

hi sual a ka phawtu hna zong nih an i ruahchan vemi, minung hi mi ṭha he mi ṭhalo he thihnak in kan tho ṭhan dih lai, ti hi kaa ruahchanmi a si ve.

LAMKALTU 24:21

an hmai i ka dir lio i ka chimmi cu hi bel hi a si: Mithi hna cu nunnak ah an tho ṭhan lai, ti ka zumh ruangah nannih nih nihin ah hin taza nan ka cuai hih, ka ti hna,” tiah a ti.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

LAMKALTU 26:8

Zeicahdah nannih Judah mi nih Pathian nih mithi a thawhter hna, ti cu nan zumh khawh lo?

LAMKALTU 4:2

Lamkaltu pahnih hna nih khan mizapi cu, mithi mi kha thihnak in an tho ṭhan lai, zeicahtiah Jesuh kha thihnak in a tho ṭhan cang i cu nih cun mithi mi kha nunnak ah an tho ṭhan lai ti kha a fianter tiin an cawnpiak hna caah, an cungah khan an thin a hung ngaingai.

LAMKALTU 6:6

Cu hna cu lamkaltu hna sinah khan an hei chuahpi hna i thla an campiak hna i an lu cungah an kut an chuan.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

1 KORIN 10:2

Annih nih Moses zultu si awkah minmei chung le rili chungah khan tipilnak an in.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.

KOLOSE 2:12

Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.

2TIMOTE 2:18

Biatak lam khan an pial i, “Thawhṭhannak cu atu ah hin a si diam cang,” tiin Khrihfa mi a cheu kha an lung an tuai hna.

HEBRU 11:35

Zumhnak in nu hna cu an mithi kha nun ṭhanterpiak an si. A dang cu a ṭha deuhmi nunnak i thawhter si kha an duh deuh caah, luatnak kha i lak duh loin hremnak in an thi.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

2 PETER 3:7

Sihmanhsehlaw Pathian bia ṭhiamṭhiam nih cun atu i a ummi van le vawlei hi mei in hrawh awkah a zuah rih hna. Pathian zei i a rel lomi hna an biaceih a si ni le hrawh an si ni caah cun zuah an si.