HEBRU 6:18 - Lai (Hakha) Common Language Bible 2006

¹⁸ Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

Laibaibal Thiang (BSI)

¹⁸ cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

HEBRU 6:18 Iomraidhean Croise

GENESIS 19:22

I hnawh! A tlik in tli! Khika na phak hlanah cun zeihmanh ka tuah kho lo,” a ti. Lot nih khan cu khua cu khua hmete a ti caah a min ah Zoar sak a si.

1 SIANGPAHRANG 2:28

Cu thawng cu Joab sin a phak tikah — zeitintiah Joab nih khan Absalom cu a rak bawm lo nain, Adonijah kha cu a rak bawmh — Joab cu Bawipa thlam ah khan a va tli i biakṭheng ki kha a vaa tlaih hna.

SALM 110:4

Bawipa nih a fekmi biakamnak a tuah i a let ṭhan lai lo, “Nang cu zungzal in tlangbawi na si lai, Melkhizedek tlangbawi a sining in na si lai,” a ti.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

PHUNGTHLÛKBIA 3:18

Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

PHUNGTHLÛKBIA 4:13

Cawnpiaknak kha i tlaih peng law thlah hlah; Cucu zul peng tuah, na nunnak a si.

ISAIAH 27:5

Asinain ka mi hna an ral nih keimah huhphenhnak hmuh kha an duh ve ahcun, keimah he i remnak tuah hna seh. Asi, keimah he i remnak tuah hna seh,” a ti.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 56:4

Zeicahtiah Bawipa nih annih cu a thawh hna i, “Sabbath ulhnak le keimah duhmi tuahnak in nan ka upat i ka biakamnak kha zumh awk tlak tein nan zulh ahcun,

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

ZEKHARIAH 9:12

Ruahchannak he a hngak komi thongtla hna, Ralhruang chungah cun ra kir ṭhan u. Nannih kha phun hnih in kan cham hna lai ni cu atu hi thanh a si cang.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LUKA 2:25

Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i

ROM 15:5

Khrih Jesuh lam hmuhsakmi nan zulhnak thawngin nannih lakah lungthin khahnak a um khawh nakhnga, lungsaunak le lungthin ṭhawnnak hram Pathian nih in bawm ko hna seh.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

ROM 3:4

Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

FILIPI 2:1

Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

1TIMOTE 1:1

Kan Khamhtu Pathian le kan i ruahchanmi Khrih Jesuh nawl in lamkaltu a simi keimah Paul nih.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

2TIMOTE 2:13

Zumh awk tlak loin kan um hmanh ah, anih cu zumh awk tlak a si ko. Zeicahtiah amah le amah cu aa hleng kho lo.”

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

HEBRU 3:11

ka thin a hun caah cun chiatser tein, ‘An i dinhnak ca i ka pekmi hna ram ah cun an lut hrimhrim lai lo,’ ka ti, tiah Pathian nih a rak ti.”

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

HEBRU 7:21

Sihmanhsehlaw Jesuh cu chiatser tein tlangbawi ah ser a si i Cathiang nih amah kong ah cun, “Bawipa nih chiatser tein bia a chim cang i a bia cu a let lai lo: ‘Nangmah cu zungzal in tlangbawi na si lai,’ a ti,” tiah a ti.

JOSHUA 20:3

khika ah timh cianak um lo le hngalh loin mi a that sualmi nih a zam nakhnga; nannih caah thisen phuhlamtu sinin himnak khua an si lai.

1JOHAN 1:10

Asinain kan sual lo kan ti ahcun Pathian cu lihchim ah kan ser i a bia cu kan chungah a um lo.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1 SAMUEL 15:29

Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.