HEBRU 6:16 - Lai (Hakha) Common Language Bible 2006

¹⁶ Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

Laibaibal Thiang (BSI)

¹⁶ Zeicatiah minung hna nih anmahnâk i a ngan deuhmi hna chalh in chiat an i serh tawn, an i elnâk ṭanfung fehternâk le biakhiahnâk ah cubantukin chiat an i serh tawn.

HEBRU 6:16 Iomraidhean Croise

GENESIS 14:22

Sihmanhsehlaw Abram nih cun a leh i, “Van le vawlei a sertu Cung Nung Bik Pathian hmaiah chiatser tein bia kaa kam i,

GENESIS 21:23

Cucaah cun keimah siseh ka fale si hna seh ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le na umnak ram cungah hin zumhawktlak na si nakhnga bia i kam,” a ti.

GENESIS 21:24

Cun Abraham nih, “Kaa kam,” a ti.

GENESIS 31:53

Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah.

2 SAMUEL 21:2

Cucaah siangpahrang nih Gibeon mi kha a auh hna. Gibeon mi cu Israel mi an si lo, Amor mi a tangmi kha an si; Israel mi nih kan in zuah ko hna lai tiin an sinah chiat an rak ser nain, Israel mi le Judah mi hna ca i a ṭan tuknak ah Saul nih khan thah awkah a rak kawl hna.

EXODUS 22:11

Bawipa hmai i chiatsernak nih cu thilri cu amah nih a fir maw fir lo ti kha a khiah lai. A fir lo a si ahcun, a ngeitupa kha a sung lai i a cham a herh lai lo;

GALATI 3:15

Ka u le ka nau hna, nifate i kan ton lengmangmi thil pakhat tahchunhnak ah ka hman tuah lai: mi pahnih nih biakamnak an tuah tikah cu biakamnak cu pakhat lawng nih an hrawk kho in an chap kho lo.

HEBRU 6:13

Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,