HEBRU 6:10 - Lai (Hakha) Common Language Bible 2006

¹⁰ Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

Laibaibal Thiang (BSI)

¹⁰ Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

HEBRU 6:10 Iomraidhean Croise

NEHEMIAH 13:22

Cun sabbath ni kha thiang tein umter awkah Levi mi hna kha, nan i thianh lai i nan ra lai i kutka kha nan cawngh hna lai, tiah nawl ka pek hna. Keimah ca ṭhatnak ding caah hi zong hi hngal camcin ko law, maw Pathian, a fekmi na dawtnak a ngan ningin ka zuah ko sawh.

NEHEMIAH 13:31

cun a caan khiahmi pekchanhnak ca thing le theitlai hmasa bik hna caah khan keimah nih ka thawh. Maw ka Pathian, keimah cu ka ca i a ṭhatnak ding caah ka hngal camcin ko.

NEHEMIAH 5:19

Maw ka Pathian, hi mi hna caah ka tuahmi thil vialte hi ka ṭhatnak ding caah ka hngalhpiak camcin ko.

SALM 20:3

Na pekchanhmi thil vialte kha in cohlanpiak seh law na raithawinak vialte nih khan a lungtong ko seh. Selah

EXODUS 1:20

Pathian cu sayamah hna cungah cun a ṭha i Israel mi cu an karh chin lengmang i an ṭhawng chin lengmang.

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

PHUNGCHIMTU 11:1

Na tangka cu chawlehnak ah hmang law ni khatkhat cu a miak na hmuh ko lai.

JEREMIAH 18:20

Ṭhatnak hi ṭhat lonak in maw lehrulh a si lai? Na thinhunnak kha an sinin aa ṭhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

JEREMIAH 31:16

Bawipa nih hi bangin a ti: “Fak piin na ṭah lengmang ko cu ngol cang law na mitthli thla ti hlah; Zeicahtiah na rianṭuan man ah laksawng kan pek lai, Annih cu an ral hna ram in an kir ṭhan lai.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.

MATTHAI 25:17

Cu bantuk ṭhiamṭhiam in thong hnih a hmu mipa zong nih khan a dang thong hnih a miak a hmuh ve.

MARKA 9:41

Nannih cu Messiah zultu nan si ruangah mi nih ti hrai khat zong an in pek hna ahcun, cu hna cu laksawng hmu loin an um hrimhrim lai lo, ti kha va philh hlah u,” tiah a ti hna.

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

LAMKALTU 10:31

a ka thawh i, ‘Kornelias, Pathian nih na thlacamnak kha a theih i sifak na bawmhnak hna kha a philh lo.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

LAMKALTU 11:29

Zultu pawl nih khan anmah le an ti khawh tawk cio ah Judah ram i a ummi unau pawl bawmhnak pek awkah khan an i ceih.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

2 KORIN 9:1

Judea ram i a ummi Pathian mi hna sinah kan kuatmi bawmhnak kong hi, a ngaingai ti ahcun, keimah nih nan sinah ka ṭial a herh lem lo.

GALATI 5:13

Ka u le ka nau hna, nannih cu luat dingin kawhmi nan si. Asinain cu luatnak cu nan pumsa duhnak ca i caan ṭha men ah khan hmang hlah u. Pakhat le pakhat kha dawtnak in nan rian tu i bawm u.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

GALATI 6:10

Cucaah a caan kan ngeih fate, mi cungah ṭhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

HEBRU 10:32

Hlan deuh thil umtuning kha ruat hmanh u. Ceunak nan hmuh kate kha va si kaw, kha caan ah khan harnak tampi nan ing, asinain harnak nih khan an tei hna lo.

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.