HEBRU 6:1 - Lai (Hakha) Common Language Bible 2006

¹ Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

Laibaibal Thiang (BSI)

¹ Cucaah, Krih kong zumhnâk hramthawknâk hna kha kal takin tlamtlinnâk leiah hmai nawr u sih, a thimi tuahsernâk, i ngaihchihnâk, Pathian lei zumhnâk,

HEBRU 6:1 Iomraidhean Croise

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MATTHAI 21:29

Anih nih, ‘Ka duh lo,’ tiah a leh. Sihmanhsehlaw a hnuah a lung a hun i thleng i mitsur dum ah cun a kal.

MATTHAI 21:32

Zeicahtiah Johan cu nan sinah a ra i ahmaanmi lam zulh awk kha an hmuhsak hna, sihmanhsehlaw nannih nih cun nan zum duh lo; ngunkhuai khawltu hna le hlawhhlangnu hna tu nih khan an zumh. Cucu nan hmuh hnu zongah nan lung nan i thleng duh ṭhiamṭhiam lo i amah kha nan zum duh hlei lo,” tiah a ti.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 4:17

Cu caan thawk cun Jesuh nih, “Vancung Pennak a nai cang caah, nan sualnak kha mertak cang hna u,” tiah a chimh lengmang hna.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

MATTHAI 7:25

Ruah a sur, ti a lian, thlitu nih fak piin a hranh. Sihmanhsehlaw lung cung i sakmi a si caah khan a pur lo.

MARKA 1:1

Pathian Fapa Jesuh Khrih kong Thawngṭha cu hitihin aa thawkning a si.

MARKA 6:12

Cucaah an chuak i, nan sualnak in i mer u, tiah mi kha an chimh hna.

LUKA 6:48

Amah cu inn a sami bantuk a si: thuk piin a cawh i a hram kha lungpi cungah a bunh. Tiva cu a hung lian i inn cu a hun den, sihmanhsehlaw fek tein sak a rak si caah a hninh in a hnin kho lo.

JOHAN 12:44

Jesuh nih aw thangpi in, “Keimah a ka zummi paoh nih cun keimah lawng kha a ka zumh si loin keimah a ka thlahtu kha a zumh ve a si.

JOHAN 14:1

Khuaruahhar lungrethei in um hlah u. Pathian kha zum u, keimah zong kha ka zum ve u.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

1 KORIN 13:10

a cheuchum lawnglawng a simi cu a tlingmi a phak tikah cun an loh phung a si ko.

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.

EFESA 2:1

Hlanah cun nawl nan ngaih lo ruang le nan sual ruangah thlarau lei in nan rak thi.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

KOLOSE 3:14

Cun hi thil vialte cungah hin dawtnak kha chap u law dawtnak cu zeizong vialte, i rem ṭhipṭhep tein a funtomtu cu a si.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

1TIMOTE 6:19

Cu bantukin an tuahmi cu hmailei an hram fehnak ding ca i ro an i khon a si. Cun nunnak taktak a simi nunnak cu an hmuh khawh lai.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

HEBRU 12:13

cun a ping a pang ah nan ke hlang sual lo tein um u. Cu ti nan tuah ahcun a beimi nan ke kha a rawk lan lai lo i hmasa i ṭhawnnak a rak ngeihmi kha a ngei ṭhan kho lai.

HEBRU 7:11

Levi mi tlangbawi sining in Israel mi cu Nawlbia kha pek va si hna kaw, Levi tlangbawi pawl an rian ṭuannak kha a tlingmi rak si seh law, tlangbawi phun dang, Aaron tlangbawi sining si lo i Melkhizedek tlangbawi sining in a simi chuah kha a herh hnga lo.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

JEIM 1:4

Zeihmanh bau loin a tlingmi nan si nakhnga, a karlak ah ing kho loin um sual loin a dongh tiangin ing ko u.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1JOHAN 4:12

Ahohmanh nih Pathian an hmu bal lo; sihmanhsehlaw pakhat le pakhat kan i dawt ahcun Pathian cu kan chungah a um i kan chungah a dawtnak cu a tling.