HEBRU 5:7 - Lai (Hakha) Common Language Bible 2006

⁷ Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

Laibaibal Thiang (BSI)

⁷ Anih nih taksa i a um lio ah khan, thihnâk in Amah khamhkhotu sinah, fakpi i aihrâmnâk le mitthli he thlacamnâk le nawlnâk kha a tuah, Pathian a ṭih tawn caah a thlacamnâk kha theihpiak a si.

HEBRU 5:7 Iomraidhean Croise

SALM 22:24

Sifakmi kha anih nih cun a hrelh hna lo i an nganfahnak kha zeirello in a um lo; annih kha a hlaat hna lo i bawmhnak hal in an aunak kha a leh hna,” ka ti lai.

SALM 69:1

Maw Pathian, ka khamh ko sawh! Ti nih ka hngawng tiangin a ka phum cang.

SALM 88:1

Bawipa Pathian, ka khamhtu, chun nitlak in ka au i zan ah na hmaika ah ka ra.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

LEVITIKAS 2:2

Aaron fapa hna tlangbawi hna sinah khan a rak put lai. Cun cu chung cun changvut dipmi le chiti cu a frankinsen vialte he pei khat in a lak lai; cun tlangbawi nih cun mah hi cu hngalh camcinnak caah biakṭheng cungah a khangh lai; mei in thawinak, Bawipa caah rimthaw a si lai.

MATTHAI 27:46

suimilam pathum tluk ah khin Jesuh cu a au i, “Eli, Eli, lema sabakthani,” a ti, a sullam cu, “Ka Pathian, ka Pathian, zeicahdah na ka kaltak,” ti a si.

MATTHAI 27:50

Jesuh cu fak piin a au ṭhan i a cat colh.

MARKA 15:34

Zanlei suimilam pathum ah Jesuh cu fak piin a au i, “Eloi, Eloi, lema sabakthani,” tiah a ti, a sullam cu, “Ka Pathian, ka Pathian, zeicahdah na ka kaltak,” ti a si.

MARKA 15:37

Jesuh cu fak piin a au i a cat.

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 11:35

Jesuh cu a ṭap.

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:5

Cucaah Khrih nih vawlei i a rung ṭum lai ah khan Pathian cu a thawh i, “Raithawinak le pekchanhmi thil cu na duhmi an si lo, Sihmanhsehlaw keimah caah taksa pum kha na ka timhpiak cang.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

HEBRU 12:28

Cucaah cun kannih nih hninh khawh lomi pennak kha kan hmuh caah i lawm u sih.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

1JOHAN 4:3

Sihmanhsehlaw Jesuh kong ah, cucu a si lo, a timi paoh cu Pathian sinin a rami Thlarau a ngei lomi an si. Cu Thlarau cu Khrih Ral sin in a rami a si; a ra lai ti kha nan rak theih cang i atu hi vawlei ah hin a um diam cang.

2 JOHAN 1:7

Hlengtu tampi, Jesuh Khrih cu minung in a ra lo pei, a titu hna kha vawlei cungah an i chawk. Cu bantuk mi cu mihlengtu kha an si i Khrih Ral kha an si.