HEBRU 5:5 - Lai (Hakha) Common Language Bible 2006

⁵ Cu bantuk ṭhiamṭhiam in Khrih zong nih khan amah nawl in Tlangbawi Ngan ah aa canter lo. Pathian tu nih, “Nangmah cu ka Fapa na si, Nihin ah na Pa ah ka cang,” tiah a ti.

Laibaibal Thiang (BSI)

⁵ Cubangin Krih zong Tlângbawi Nganbik si dingin Amah le Amah sunparnâk â pe lo. “Nangmah cu ka Fapa na si, nihinah kan hrin,” tiah a sin i a chimtu nih khan sunparnâk cu a pêk.

HEBRU 5:5 Iomraidhean Croise

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

JOHAN 8:54

Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si — nanmah nih kan Pathian a si nan timi hrimhrim kha.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

HEBRU 1:5

Pathian nih a vancungmi pawl cu ahohmanh, “Nangmah cu ka Fapa na si, nihin ah na Pa ah ka cang,” a ti bal hna lo. Cu hleiah, “Keimah cu a Pa ka si lai i amah cu ka Fapa a si lai,” ti zongah a ti bal fawn hna lo.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 5:10

Pathian nih Melkhizedek tlangbawi sining in Tlangbawi Ngan na si, tiah a ti.