HEBRU 5:4 - Lai (Hakha) Common Language Bible 2006

⁴ Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

Laibaibal Thiang (BSI)

⁴ Âron bang i Pathian kawhmi dah tilo, ahohmanh nih cubantuk mah le mah upatnâk cu an la bal lo.

HEBRU 5:4 Iomraidhean Croise

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

2 CHANRELNAK 26:18

cun Siangpahrang Uzziah cu an donh i, “Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo,” tiah an ti.

EZRA 7:5

Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu tlangbawi bik Aaron fapa a si —

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

NAMBAR 16:10

Amah naih ah nanmah le nan unau Levi fapale hna cu nanmah he an kalpi hna hi, thil tetuai maw a si? Tlangbawi rian zong nan banh rih lai maw?

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

NAMBAR 16:5

Korah le a hawile vialte cu, “Zinglei ah Bawipa nih ahodah amah ta a si i ahodah a thiang ti kha a langhter lai i a pawngah a ratter lai. Amah nih a thimmi cu amah naih ah a ratter lai.

NAMBAR 16:7

mei laknak kheng hna kha i lak u law, thaizing ah an chungah mei chia u law, an cungah Bawipa hmaiah zihmui chia u, Bawipa nih a thimmi cu a thiangmi cu a si lai. Levi fapa hna, nan luan cang!” tiah a ti hna.

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

NAMBAR 3:3

mah hihi Aaron fapa hna min cu an si, chiti thuhmi tlangbawi, tlangbawi rian ṭuan awkah a thleidanmi hna cu.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.