HEBRU 4:3 - Lai (Hakha) Common Language Bible 2006

³ Cucaah, “Ka thin a hung i biakam tein, ‘Kaa dinhnak chungah an lut hrimhrim lai lo,’ ka ti,” timi bia nih a sawh duhmi dinhnak chungah a lut i Pathian sinah aa dinmi cu zumtu kanmah tu hi kan si.

Laibaibal Thiang (BSI)

³ Zeitintiah vawlei ser ka in rian kha lîm dih asinain thin hungin chiat kâ rak serh cang bang khan, ka dinhnâk ah an lut lai lo, tiah a rak chim cang. Cuticun kannih zumtu hna hi cu dinhnâk ah cun kan lut cang.

HEBRU 4:3 Iomraidhean Croise

GENESIS 1:31

Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

SALM 95:11

Ka thin a hung i, “Dinhnak ka pek hnanak ding ram chungah cun an lut hrimhrim lai lo,’ tiin chiatser in bia ka chim,” a ti.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

ISAIAH 28:12

Dinhnak le hnangamnak kan pek hna lai, tiah nan dihlak in an ti hna, sihmanhsehlaw nannih nih cun nan ngai duh lo.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

EZEKIEL 20:38

Keimah a ka dohtu le a ka raltu kha nan sinin ka ṭhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

HEBRU 3:11

ka thin a hun caah cun chiatser tein, ‘An i dinhnak ca i ka pekmi hna ram ah cun an lut hrimhrim lai lo,’ ka ti, tiah Pathian nih a rak ti.”

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.