HEBRU 4:2 - Lai (Hakha) Common Language Bible 2006

² Annih nih an rak theih bantuk khan, Thawngṭha cu kan theih cang. Sihmanhsehlaw an theihmi bia kha zumhnak in an cohlan duh lo caah an caah zeihmanh a ṭhahnem lo.

Laibaibal Thiang (BSI)

² A ngaingai tiah, kan sin i chim a si bangin Thawngṭha kha an sin zongah chim a si ve ko, asinain a ngaitu hna nih zumhnâk he an fonh hna lo ruangah an ngaihmi bia kha san an tlaihpi lo.

HEBRU 4:2 Iomraidhean Croise

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

ROM 2:25

Nawlbia cu nan ngaih ahcun, nan cuarpar tannak cu san a tlai, sihmanhsehlaw nan ngaih ṭung lo ahcun i tan lo lawlaw in rak um u law a ṭha deuh hnga.

ROM 3:3

Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw?

1 KORIN 13:3

Ka ngeihmi thil vialte, mi ka hei ṭhenh dih ko hna hnga, cun ka pum hmanh khangh awkah ka vaa pe ko hnga, sihmanhsehlaw dawtnak ka ngeih lo ahcun ka caah ṭhathnemnak zeihmanh a um lo.

GALATI 3:2

Hi thil pakhat te hi ka chim hnek u, “Pathian Thlarau kha, Nawlbia nih tuah u timi nan tuahnak thawngin maw nan rak hmuh, asiloah thawngṭha nan theih le nan zumhnak thawngin dah nan hmuh?”

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

GALATI 4:13

Zei ruangah dah thawngṭha kha ka rak in chimh hna ti cu nan hngalh: ka zawt caah pei a si kha.

DEUTERONOMI 1:32

Sihmanhsehlaw nan thlam tung bunhnak hmun kawlpiak awkah, nan hmaiah lam ah nan kalnak hmuhsak awkah, zan ah mei in, chun ah minmei in, a kalmi Bawipa nan Pathian cu hi thil a tuah nain, nan zum lo.

1THESALON 1:5

Thawngṭha kha nan sin kan phakpi tikah bia lawnglawng in si loin, ṭhawnnak le Thiang Thlarau le biatak a si fiang tein kan hngalhnak he khan a si. Nan sin kan um ah khan zeitindah kan umtuzia a si cu nan hngalh; nanmah ca ṭhatnak ding caah kha ti kan um kha a si.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

HEBRU 4:6

Pathian dinhnak chungah a lutmi an um awk a si ti cu a fiang, sihmanhsehlaw Thawngṭha a thei hmasami hna nih khan an zumh lo ruangah an luh khawh lo caah Pathian nih ni dang pakhat kha a chiah ṭhan.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.