HEBRU 4:15 - Lai (Hakha) Common Language Bible 2006

¹⁵ Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

Laibaibal Thiang (BSI)

¹⁵ Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

HEBRU 4:15 Iomraidhean Croise

EXODUS 23:9

“Ramdang mi kha nan zawmhtaih hna lai lo, nannih zong Izipt ram ah ramdang mi nan rak si caah ramdang mi si cu zei bantuk dah a si ti kha nan hngalh.”

ISAIAH 53:9

Sualnak zeihmanh a tuah bal lo nain le lih pakhat hmanh a chim bal lo nain misual mi hna he khan thlan khat ah an vui ṭi i mirum mi hna sinah khan an vui.”

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

MATTHAI 12:20

Dinnak kha teinak ah a phakter hlantiang a kiakmi phaikung kha i hlang koin a khiak lai lo i a mit dengmangmi meiinn kha a hmit lai lo.

MATTHAI 4:1

Cun Thlarau nih Jesuh cu, Satan nih rak tukforh awkah, ramlak ah a kalpi.

LUKA 22:28

“Harnak ka in caan a dihlak in a ka umpitu cu nanmah nan si;

LUKA 4:2

Khika ah Khuachia nih ni sawm li chung a rak tukforh. Cu chung vialte cu rawl a ei lo caah cu caan a dih tikah a rawl a ṭam ngaingai.

JOHAN 8:46

Nan lakah hin ka sualnak a ka hmu khotu aho tal nan um maw? Biatak kan chimh ko hna, zeicahdah nan ka zumh duh lo?

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

HEBRU 5:2

Amah zong cu phun tam piin tlin lonak a ngeimi a si ve caah khan a hrutmi le a palhmi cungah khan lungnemnak a ngei kho.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

1 PETER 2:22

Sualnak zeihmanh a tuah lo, lih a chim bal lo.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.