HEBRU 4:14 - Lai (Hakha) Common Language Bible 2006

¹⁴ Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

Laibaibal Thiang (BSI)

¹⁴ Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.

HEBRU 4:14 Iomraidhean Croise

EZEKIEL 46:10

Uktu bawi cu an sinah cun a um lai i an luh ah a lut ve lai i an chuah ah a chuak ve lai.

MATTHAI 4:3

Khuachia cu a sinah a ra i, “Nangmah cu Pathian Fapa na si ahcun, hi lung hi changreu ah canter hna ngat,” tiah a ti.

MARKA 1:1

Pathian Fapa Jesuh Khrih kong Thawngṭha cu hitihin aa thawkning a si.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

LUKA 24:51

Thluachuah a pek lio hna ah cun an sinin aa ṭhen i vancung ah a kal.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

2 KORIN 12:2

Kan hnulei kum hleili ah khan Khrihfa mipa pakhat cu a van thumnak ah khin an cawi (langhnak a hmuh maw a si, a si taktak dik a si ka hngal lo, Pathian lawng nih a hngalh).

2 KORIN 9:13

Hi nan tuahmi nih a langhtermi thawng hin, toidor tein a bia nan rak ngaih le Khrih Thawngṭha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi ṭhatnak ca i siang ngaiin nan rak thawhmi ruangah khan Pathian cu an lawmh lai.

EFESA 4:10

Cucaah cun a ṭummi cu vancung le van pin i a kaimi kha a si i cu a kai cu van le vawlei vialte nih amah in an khah dih kha i hngal hna seh, tinak caah a si.

HEBRU 1:8

Sihmanhsehlaw a Fapa tu cu, “Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk.

HEBRU 10:12

Asinain Khrih nih cun raithawinak kha sualnak caah voi khat a ser i cucu zungzal ca in a za ko, cu hnuah Pathian orhlei kamah khan a ṭhu.

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 6:20

Cuka ah cun kanmah aiawh in Jesuh kha kan hlanah a rak lut cang i Melkhizedek tlangbawi sining in zungzal Tlangbawi Ngan ah a cang.

HEBRU 6:6

Cun annih cu an tlu. Annih cu ngaihchihnak ah kirpi ṭhan khawh an si ti lo. Pathian Fapa kha vailam ah an khenh ṭhan ca le zapi hmaiah ningzak ngaingai in an tuah ṭhan caah ngaihchihnak ah kirpi ṭhan khawh an si ti lo.

HEBRU 7:3

Melkhizedek cu a nu siseh, a pa siseh, an konglam an ṭialmi zeihmanh a um lo, a hringsortu hna zong an konglam ṭialmi zeihmanh a um lo; a chuahnak kong ṭialmi zong a um lo i a thihnak kong ṭialmi zong a um lo. Amah cu Pathian Fapa bantuk hi a si i zungzal in tlangbawi a si ko.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.