HEBRU 4:1 - Lai (Hakha) Common Language Bible 2006

¹ Atu cu Pathian nih dinnak a rak chimmi kha kan hmuh nakhnga, a biakam kha a kan pek i cu kamhmi dinhnak chungah cun a lut lomi nan um sual nakhnga lo, ralring tein um u sih.

Laibaibal Thiang (BSI)

¹ Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai.

HEBRU 4:1 Iomraidhean Croise

PHUNGTHLÛKBIA 14:16

Mifim cu ralring tein a um i ṭhat lonak kha a hrial, sihmanhsehlaw mihrut cu aa ralring lo i khulrang tuk in a tuah tawn.

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

NAMBAR 14:34

Ram kha nan hung ngiatthlai ni zat khan, ni sawm li, ni khat caah kum khat, nan ṭhat lonak kha nan in lai, kum sawm li, cun ka lunglawmh lonak kha zeidah a lawh ti kha nan hngalh lai,’ a ti.

MATTHAI 24:48

Sihmanhsehlaw cu pa cu miṭhalo a si ahcun, ‘Ka bawipa cu a ra chom rih lai lo,’ tiah a lung chungin a ti lai i

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

1 KORIN 10:12

Ka dir kho ko tiah aa ruatmi cu a tluk sualnak hnga lo i ralring seh.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

GALATI 5:4

Nawlbia zulhnak thawngin Pathian he remnak hmuh aa zuammi cu Khrih sinin nanmah le nanmah nan i ṭhen ko. Nannih cu Pathian vel leng i a ummi nan si ko.

2TIMOTE 2:13

Zumh awk tlak loin kan um hmanh ah, anih cu zumh awk tlak a si ko. Zeicahtiah amah le amah cu aa hleng kho lo.”

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 13:7

Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat ṭhan u law an zumhnak kha cawng hna u.

HEBRU 3:11

ka thin a hun caah cun chiatser tein, ‘An i dinhnak ca i ka pekmi hna ram ah cun an lut hrimhrim lai lo,’ ka ti, tiah Pathian nih a rak ti.”

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

HEBRU 4:9

Cucaah Pathian mi hna cu, sabbath dinhnak nih khan a hngah ko rih hna,

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.