HEBRU 3:3 - Lai (Hakha) Common Language Bible 2006

³ Inn satu nih inn nakin upatnak a hmuh deuh bantukin Jesuh zong cu Moses nakin sunparnak hmuh awkah tam piin aa tlak deuh.

Laibaibal Thiang (BSI)

³ Zeitintiah inn satu cu a sakmi inn nâkin upat deuh a si bantukin anih zong Moses nâkin upatnâk co awktlâk ah ruah a si.

HEBRU 3:3 Iomraidhean Croise

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

1 KORIN 3:9

Zeicahtiah kannih cu Pathian ca i hmunkhat ah rian a ṭuan ṭimi kan si i nannih cu Pathian lo nan si. Nannih cu Pathian inn zong nan si fawn.

2 KORIN 3:7

Nawlbia cu lungtlap cungah khan cafang in ṭial a rak si i cu nawlbia cu annih kha pek a si lioah khan Pathian sunparnak cu a lang. Moses hmai i a rak ummi ceunak cu a lang. Moses hmai i a rak ummi ceunak cu a ziam zau ko nain cu ceunak cu a rak ṭhawn tuk caah khan Israel mi nih Moses kha dengteo in an rak zoh ngam lo. Thihnak tluntertu a simi Nawlbia hmanh, cu bantuk sunparnak he a rat a si ahcun,

KOLOSE 1:18

Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

HEBRU 3:4

Nan hngalh cio bangin inn cu mi nih an sak taktak — zeizong vialte a satu bel Pathian a si.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.