HEBRU 3:19 - Lai (Hakha) Common Language Bible 2006

¹⁹ Cucaah cun an zumh lo caah an rak luh khawh lonak kha a si, ti cu kan hmuh cang.

Laibaibal Thiang (BSI)

¹⁹ Cuticun zumhlonâk ruangah an lut kho lo ti kha kan hngalh.

HEBRU 3:19 Iomraidhean Croise

SALM 106:24

Ram nuam kha zeirello in an um i bia a kamhmi hna kha an zum lo;

MARKA 16:16

A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

ROM 11:23

Cun Judah mi hna cu, an zumh lonak kha an chuahtak ahcun hmasa i an rak umnak hmun ah khan a chiah ṭhan ko hna lai, zeicahtiah Pathian nih cun a chiah ṭhan khawh ko hna.

DEUTERONOMI 1:32

Sihmanhsehlaw nan thlam tung bunhnak hmun kawlpiak awkah, nan hmaiah lam ah nan kalnak hmuhsak awkah, zan ah mei in, chun ah minmei in, a kalmi Bawipa nan Pathian cu hi thil a tuah nain, nan zum lo.

2 THESALON 2:12

A phichuak cu: biatak a zum lo i sualnak tuah a duhmi vialte kha sualphawt an si lai.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

JUDAS 1:5

Cucaah cun nan hngalh dihmi a si ko nain, Bawipa nih Israel mi cu Izipt ram chungin a chuahter hna i sihmanhsehlaw a hnuah a zum lomi cu a thah hnanak kong kha theihter ṭhan kan duh hna.