HEBRU 3:18 - Lai (Hakha) Common Language Bible 2006

¹⁸ Pathian nih, “Ka dinhnak chungah an lut lai lo,” a ti ah khan, ahodah a tihnawh duhchan hna? Amah a dohtu kha a tihnawhchan hna.

Laibaibal Thiang (BSI)

¹⁸ Cun ahosinahdah a dinhnâk chung i lut lo dingin chiat a serh hnawhmi hna kha? A bia a ngai lomi hna kha an si lo maw?

HEBRU 3:18 Iomraidhean Croise

SALM 78:22

zeicahtiah amah kha an i bochan duh lo i a kan khamh lai, tiah an zum duh lo.

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

NAMBAR 14:23

an pupa sin i kan pek hna lai ti i chiat ka sermi ram kha an hmu lai lo, ahohmanh a ka zawmtaimi nih cun an hmu lai lo.

NAMBAR 14:30

Jefunneh fapa Kaleb le Nun fapa Joshua dah ti lo cu, kan umter hna lai ti i chiat ka sermi ram ah khan pakhat hmanh nan lut lai lo.

NAMBAR 14:37

ram kong thawng ṭhalo a run phormi hna cu, Bawipa hmaiah rai in an thi.

NAMBAR 20:12

Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

ROM 11:30

Nannih Jentail mi nih a hlanah cun Pathian kha a nawl nan rak zul lo; sihmanhsehlaw atu ah cun Judah mi nih khan a nawl kha an zulh lo caah nannih nih a zaangfahnak kha nan hmuh.

DEUTERONOMI 9:23

Cun Bawipa nih Kadesh-barnea in an thlah hna i, ‘Hung kal u law, kan pekmi hna ram cu hung umhnawh tuah u,’ tiah an ti hna tikah khan, nannih nih Bawipa nan Pathian nawlbia cu nan ralchanh i amah kha nan zum lo, a aw zong nan ngai lo.

HEBRU 3:11

ka thin a hun caah cun chiatser tein, ‘An i dinhnak ca i ka pekmi hna ram ah cun an lut hrimhrim lai lo,’ ka ti, tiah Pathian nih a rak ti.”

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

HEBRU 4:2

Annih nih an rak theih bantuk khan, Thawngṭha cu kan theih cang. Sihmanhsehlaw an theihmi bia kha zumhnak in an cohlan duh lo caah an caah zeihmanh a ṭhahnem lo.

HEBRU 4:6

Pathian dinhnak chungah a lutmi an um awk a si ti cu a fiang, sihmanhsehlaw Thawngṭha a thei hmasami hna nih khan an zumh lo ruangah an luh khawh lo caah Pathian nih ni dang pakhat kha a chiah ṭhan.