HEBRU 3:16 - Lai (Hakha) Common Language Bible 2006

¹⁶ Ahodah Pathian aw cu a rak thei i Pathian a rak dohmi cu an si? Moses nih Izipt ram in a chuahpimi vialte kha an si ko.

Laibaibal Thiang (BSI)

¹⁶ Ahodah thei ko nain ralthomi hna kha? A ngaingai tiah, Ezip ramin Moses nih a chuahpi mi vialte kha an si lo maw?

HEBRU 3:16 Iomraidhean Croise

SALM 78:17

Sihmanhsehlaw Pathian cungah cun sualnak an tuah lengmang ko i Cung Nung Bik kha ramcar chungah cun an doh zungzal ko.

SALM 78:40

Voi zeizat riamruam dik amah kha ramcar chungah khan an doh; voi zeizat riamruam dik a ngaih an chiatter!

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 44:3

hihi zei ruangah dah a si, ti ahcun, an hngalh bal lomi pathian kha an zulh hnanak thawng le cu pathian hna sinah raithawinak an khanghnak thawngin ka thin a ka phoktu hna ṭhat lonak ruangah khan a si. Hi a tuahtu cu nanmah le nan pupa hna kha nan si.

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

NAMBAR 14:2

Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a ṭha deuh hnga! Asiloah ramcar chungah hin hei thi dih ko u si law, a ṭha deuh hnga!

NAMBAR 14:24

Sihmanhsehlaw ka sal Kaleb cu lungthin dang a ngei i tling tein a ka zulh caah, a va kalnak ram ah khan ka luhpi lai i a tefa hna nih an co lai.

NAMBAR 14:30

Jefunneh fapa Kaleb le Nun fapa Joshua dah ti lo cu, kan umter hna lai ti i chiat ka sermi ram ah khan pakhat hmanh nan lut lai lo.

NAMBAR 14:38

Sihmanhsehlaw Nun fapa Joshua le Jefunneh fapa Kaleb cu, ram ngiatthlai awkah a hung kalmi hna lakah khan, a nung in an tang.

NAMBAR 14:4

Cun pakhat le pakhat cu, “Hruaitu pakhat i thim u si law, Izipt ah kir ṭhan u sih,” tiah an i ti.

NAMBAR 26:65

Zeitintiah annih cu Bawipa nih, “Ramlak ah an thi lai,” ti ah khan a rak ti. Jefunneh fapa Kaleb le Nun fapa Joshua dah ti lo cu annih lakah pakhat hmanh an taang lo.

DEUTERONOMI 1:38

nangmah an bultawltu Nun fapa Joshua cu a lut lai; amah kha thazang pe tuah, zeitintiah amah nih Israel cu, cu ram cu a coter lai.

JUDAS 1:5

Cucaah cun nan hngalh dihmi a si ko nain, Bawipa nih Israel mi cu Izipt ram chungin a chuahter hna i sihmanhsehlaw a hnuah a zum lomi cu a thah hnanak kong kha theihter ṭhan kan duh hna.