HEBRU 3:14 - Lai (Hakha) Common Language Bible 2006

¹⁴ Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

Laibaibal Thiang (BSI)

¹⁴ Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

HEBRU 3:14 Iomraidhean Croise

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

ROM 11:22

Hika ah hin zeitluk in dah Pathian nih mi a zaangfah hna ti le zeitluk in dah Pathian cu ṭih a nun ti kha kan hmuh. A tlumi hna caah cun ṭih a nung ngaingai ko, sihmanhsehlaw nannih cungah cun zaangfahnak a ngei — a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

1 KORIN 10:17

Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.

1 KORIN 9:23

Hi vialte hi tiin ka tuah cu thawngṭha ruangah khan a si, cu thawngṭha cu mi vialte ka hrawm khawh hna nakhnga ka duh caah a si.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

DEUTERONOMI 1:35

‘Hi chan ṭhalo chung mi hna lak hin, nan pupa hna sinah pek awkin chiat ka sermi ram ṭha cu pakhat hmanh nih an hmu lai lo.

1TIMOTE 6:2

Nan bawile cu a zummi an si ahcun, atu cu unau kan si cang sawk tiin nan serhsat hna lai lo. An rian kha ṭha chinchin tu in nan ṭuanpiak hna lai, zeicahtiah nan ṭuannak thawngin thil ṭha a hmumi hna cu, zumhnak le dawtnak ah nan u le nan nau an si.

HEBRU 11:1

Zumhnak ngeih kan ti hi, kan i ruahchanmi kan hmuh ṭheo lai ti kan zumh le a taktak le a ngaingai a simi thil kan mit in kan hmuh khawh lomi hi an um ko ti kan zumh hi a si.

HEBRU 12:10

Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca ṭha dingah le a thiannak kha kan i hrawm khawh ve nakhnga caah a si.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 6:11

Nan i ruahchanmi cu a tlin nakhnga, bawmh duhnak lungthin nan ngeih tawnmi kha a dongh tiangin ngei cio ko u, ti kan in duh hna.

HEBRU 6:4

Zeitindah a tlu ṭhanmi hna cu ngaihchihnak an ngeih ṭhan khawh ti lai? Annih cu Pathian ceunak chungah a rak um cangmi an si, vancung laksawng kha a tep i Thiang Thlarau a co ve cangmi an si.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.