HEBRU 2:8 - Lai (Hakha) Common Language Bible 2006

⁸ Zeizong vialte uktu ah na ser,” tiin a um bang khan, a si lehlam. Pathian nih, minung cu, “zeizong vialte uktu” ah a ser ti a si; zeizong vialte timi chungah hin thil vialte an i tel dih. Sihmanhsehlaw minung nih zeizong vialte a uk lo ti cu kan hmuh ko. Cucaah cun a sullam zeidah a si hnga?

Laibaibal Thiang (BSI)

⁸ A ke tangah zeizong vialte na chiah,” Zeitintiah a tangah zeizong vialte a chiah cang caah, a tangah chiah lomi zeihmanh a um lo. Asinain atu ah cun a tangah zeizong vialte a ummi bangin kan hmu rih lo.

HEBRU 2:8 Iomraidhean Croise

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 8:6

Na sermi thil vialte a uktu ah na ser i zeizong vialte hna dihlak cungah khan na chiah:

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 3:35

Pa nih a Fapa kha a dawt i zeizong vialte kha amah kut tangah a chiah dih.

1 KORIN 15:27

zeicahtiah Cathiang nih, “Pathian nih zeizong vialte cu a ke tangah a chiah dih hna,” a ti. “Zeizong vialte” timi chungah hin Pathian cu aa tel lo ti kha a fiang, Pathian cu pei Khrih tang i zeizong vialte a chia dihtu cu a si cu.

HEBRU 1:13

Pathian nih a vancungmi kha, “Na ral cu na ke tangah ka chiah hna hlan tiang, Ka orhlei kamah hin ṭhu tuah,” tiah ahohmanh a ti bal hna lo.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 2:5

Pathian nih ser a rak i timhmi vawlei uktu dingah khan vancungmi cu a chia hna lo, atu i kan chimmi hi, cu vawlei kong cu a si.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i