HEBRU 2:6 - Lai (Hakha) Common Language Bible 2006

⁶ Sihmanhsehlaw Cathiang hmun khat ka ah, “Pathian, minung hi zeidah a si i a kong hi na ruah? Minung hi zeidah a si i na hnakkar ah na tenh?

Laibaibal Thiang (BSI)

⁶ Asinain mi pakhat nih hmun pakhat ah hitihin a chim, “Minung hi zeidah a si i a zawn na ruah, Asiloah mi fapa zong hi zeidah a si i na zohkhenh tawn?

HEBRU 2:6 Iomraidhean Croise

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

JOB 15:14

Minung cu zeidah a si i a thian khawh lai cu? Nu hrinmi fa cu zeidah a si i a din khawh lai cu?

JOB 25:6

Zeitluk in dah tholung ceo a simi minung cu a si chinchin lai i, Cangcel ceo a simi mifapa cu a si chinchin lai,” tiah a ti.

SALM 144:3

Maw Bawipa, minung hi zeidah a si i a zawn na ruah? Minung fapa hi zeidah a si i biapi ah na rel?

ISAIAH 40:17

Miphun hna hi Bawipa caah cun zeihmanh an si lo.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

HEBRU 4:4

Vawlei a rak ser ri khan a rian cu lim a si ko cang nain hi bia cu a chim; zeicahtiah Cathiang nih pei hmunkhat ah ni sarihnak ni kong ah, “Ni sarih ni ah Pathian cu a rian vialte in aa din,” tiah a ti kha.

HEBRU 5:6

Cun hmun dang zongah, “Nangmah cu zungzal in tlangbawi na si lai, Melkhizedek tlangbawi sining bantukin na si lai,” tiah a ti fawn.

1 PETER 1:11

Zeitik ah dah cu caan cu a si lai ti le zeitindah cu caan cu a rat lai ti kha kawl an rak i zuam i atu caan hi an chungah a ummi Khrih Thlarau nih a rak sawhmi caan cu a si. Thlarau nih cun Khrih nih a in laimi temhinnak le temhnak a in ruangah a hmuh laimi sunparnak kha a rak chimchung cang.