HEBRU 2:11 - Lai (Hakha) Common Language Bible 2006

¹¹ Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.

Laibaibal Thiang (BSI)

¹¹ Zeitintiah Thiantertu le thiantermi hna cu an dih lakin mi pakhat ta an si. Cucaah annih cu, “Unau hna” tiah kawh awkah a zahpi hna lo.

HEBRU 2:11 Iomraidhean Croise

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 28:10

Jesuh nih cun, “Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai,” tiah a ti hna.

MARKA 3:34

A pawng i a ṭhumi kha a zoh hna i, “Zohhmanh u, hika ah hin ka nu le ka naule hna cu an um.

MARKA 8:38

Atu chan, Pathian zei ah a rel lo i chan ṭhalo a simi chan ah hin, keimah le ka cawnpiaknak a ka zahpimi cu, Mi Fapa hi ka Pa sunparnak in vancung mithiang mi hna he ka rat tikah, ka zahpi ve hna lai,” tiah a ti hna.

LUKA 9:26

Ahohmanh keimah le ka cawnpiaknak kha a kan zahpimi cu, Mi Fapa nih ka sunparnak le ka Pa le a thiangmi vancungmi hna sunparnak he ka rat tikah, ka zahpi ve hna lai.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

LAMKALTU 17:28

mi a cheukhat nih, “Amah chungah kan nung, kan cawl kan cang i khua kan sa,’ an ti bantuk le, nan hla phuahtu hna nih, ‘Kanmah zong a tefa kan si ve,’ an ti bantuk khan a si.

ROM 8:29

Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:14

Voi khat raithawinak in an sualnak thianhpiak a simi hna cu zungzal ca in a tlingmi ah a ser hna.

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

HEBRU 13:12

Hi ruangah hin Jesuh zong kha, hau lengah a thih kha a si i cucu a thi in mi kha kan sualnak thianhpiak a kan duh caah a si.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.