HEBRU 13:6 - Lai (Hakha) Common Language Bible 2006

⁶ Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

Laibaibal Thiang (BSI)

⁶ Cuticun ralṭha in, “BAWIPA cu aka bawmtu a si, ka ṭih lai lo. Minung nih zeidah anka tuah khawh lai? tiah kan ti.

HEBRU 13:6 Iomraidhean Croise

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

1 SIANGPAHRANG 17:8

Cun Bawipa bia cu amah sinah a ra i,

SALM 124:8

Bawmhnak kan hmuhnak cu Bawipa sinin a si, amah cu van le vawlei a sertu a si.

SALM 146:3

Bawi kha i bochan hna hlah u, nanmah an khamh kho ṭung hna lomi kha i bochan hna hlah u.

SALM 27:9

keimah cu ka thuhtak sawh hlah. Ka cungah na thinhung hlah, na sal hi ka ṭhawl sawh hlah. Maw Pathian, ka Khamhtu, nangmah cu a ka bawmtu na si, ka kaltak hlah, ka chia ta sawh hlah.

SALM 33:20

Bawipa cu kan i bochan, amah cu a kan bawmtu le kan phaw a si.

SALM 40:17

Kei cu ka si a fak i ka re a thei, sihmanhsehlaw Bawipa, nangmah nih na ka ruah ko. Nangmah cu ka Khamhtu le a ka Bawmtu na si — rau sawh hlah, Maw ka Pathian!

SALM 54:4

Pathian cu a ka bawmtu a si kha ka hngalh, Bawipa cu a ka chanhtu a si kha ka hngalh.

SALM 56:4

Pathian cu kaa bochan i a biakam cu ka thangṭhat; amah cu kaa bochan i ka thin a phang lo. Minung menmen nih cun zeidah an ka ti khawh lai?

SALM 63:7

zeicahtiah nangmah cu a kan bawmtu na si zungzal. Na thla tangah lawmhnak in hla ka sa.

SALM 94:17

Bawipa nih rak kan bawm hlah seh law, mithi khua kha khulrang tein kan rak phan diam ko hnga.

EXODUS 18:4

Cun, “Ka pa i a Pathian cu a ka bawmtu a si i Faro vainam chungin a ka khamh,” a ti fawn i cucaah a min ah a fapa a dang pakhat cu Eliezer a sak.)

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

EFESA 3:12

Amah he kan i pehtlaih caah le amah kan zumhnak thawngin Pathian umnak chungah ṭih lo tein luh ngamnak luatnak kan ngei.

DEUTERONOMI 33:26

“Maw Jeshurun, nangmah bawmh awkah van aa cit, Lianngannak in van aa citmi Pathian bantuk ahohmanh an um lo.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

HEBRU 10:19

Cucaah ka u le ka nau hna, Jesuh thihnak thawngin Hmun Thiang Bik chungah khan luhnak nawl kan ngei cang.

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

1 SAMUEL 23:17

Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.