HEBRU 13:20 - Lai (Hakha) Common Language Bible 2006

²⁰ Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

Laibaibal Thiang (BSI)

²⁰ A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin,

HEBRU 13:20 Iomraidhean Croise

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

1 CHANRELNAK 16:17

Jakob sinah nawlbia a fehter, Israel sinah zungzal hmunmi biakamnak a tuah;

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

SALM 23:1

Bawipa cu tuukhal bantukin a ka vengtu a si, ka herhmi vialte kha a ka pek dih.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

EXODUS 24:8

Cun Moses nih kheng chung thi kha aa lak i mi zapi cu a theh hna. Aa thawh i, “Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

EZEKIEL 34:23

Cun annih zohkhenhtu dingah tuukhal pakhat kha an cungah ka chiahpiak hna lai i cucu ka sal David kha a si lai;

EZEKIEL 37:24

Ka sal David cu an uktu siangpahrang a si lai i tuukhal pakhat lawng an ngei lai. Ka phungbia ning khan an um lai i ka nawlbia kha an zulh hna lai i an tuah hna lai.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

ZEKHARIAH 9:11

Nang tu cu, ka sin i bia naa kamnak, thisen in na fehtermi na biakamnak thawng khan, Vawlei tang thonginn chungin na thongtla hna cu ka chuah hna.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

MARKA 14:24

Jesuh nih cun, “Mi tampi ca i ka thletmi ka thi a si. Pathian biakamnak a fehtertu ka thi a si.

LUKA 22:20

Cu bantuk ṭhiamṭhiam in zanriah an ei dih hnuah hrai zong kha a pek hna i “Hi hrai hi nan caah ka thletmi ka thi in khenhchihmi Pathian biakamnak a si.

JOHAN 10:11

“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian.

JOHAN 10:14

Tuukhal ṭha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

LAMKALTU 13:30

Sihmanhsehlaw Pathian nih mithi hna sin khan a thawhter i

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

LAMKALTU 4:10

nannih nan dihlak le Israel mi vialte dihlak nih nan hngalh awk cu, hi pa dam hirhiar tein nan hmaiah a dir khawhnak cu Nazareth khuami Jesuh Khrih, nannih nih nan thah i Pathian nih thihnak in a thawhter ṭhanmi a min ṭhawnnak thawngin a si.

LAMKALTU 5:30

Nannih nih Jesuh cu vailamtahnak i nan thah hnuah kan pupa hna Pathian nih thihnak in a thawhter ṭhan.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

ROM 10:7

Cun, “Ahodah mithi khua ah a vung ṭum lai,” ti zongah i ti fawn hlah (cu sullam cu Khrih kha mithi hna sinin hun kaipi awkah ti a si).

ROM 15:33

Cun kan daihnak tihna Pathian cu nan dihlak sinah um ko seh. Amen.

ROM 16:20

Cun Pathian, kan daihnak tihna nih cun, Satan kha nan ke tangah a rial tuan lai. Kan Bawipa Jesuh vel cu nan sinah um ko seh.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

1 KORIN 14:33

zeicahtiah Pathian nih a kan auh cu ningcang lo piin um awkah si loin daite le rem tein um awk tu ah a si.

1 KORIN 15:15

Cuhleiah Pathian cu lih kan chimter a si hnga, zeicahtiah Pathian nih Khrih cu thihnak in a thawhter kan ti ṭung i mithi cu thihnak in an thawh ṭung lo ahcun, Khrih cu Pathian nih thihnak in a thawhter lo a si hnga.

1 KORIN 6:14

Pathian nih Bawipa cu thihnak in a thawhter i kannih zong a ṭhawnnak cun a kan thawhter ve lai.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

2 KORIN 4:14

Bawipa Jesuh nunnak ah a thawhtertu Pathian nih khan kannih zong Jesuh sinah cun a kan thawhter lai i nanmah he a hmaika ah cun a kan luhpi lai, ti kha kan hngalh.

GALATI 1:1

Galati peng Khrihfabu hna, Paul nih ca kan kuat hna. Keimah cu lamkaltu si dingah hin minung nih fialmi le minung nih thlahmi si loin, Jesuh Khrih le Jesuh Khrih thihnak in a thawhtertu Pathian kan Pa nih an ka kawhmi ka si.

EFESA 1:20

thihnak in Khrih a thawhtertu le vancung khua i Pathian orhlei kamah a ṭhuttertu Pathian ṭhawnnak he khan aa khatmi a si.

FILIPI 4:9

Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

KOLOSE 2:12

Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.

1THESALON 1:10

Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

2 THESALON 3:16

Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

HEBRU 9:20

“Pathian nih nan zulh lai tiah an fialmi hna nawlbia a fehtertu cu hi thisen hi a si,” a ti.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.