HEBRU 13:2 - Lai (Hakha) Common Language Bible 2006

² Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna.

Laibaibal Thiang (BSI)

² Ṭha te i khualtlung zohkhenh hi philhhlah u, cubantuk an philh lio cân ah cheukhat hna cu vancungmi nih an tlun tawn hna.

HEBRU 13:2 Iomraidhean Croise

GENESIS 18:1

Bawipa cu Abraham sinah Mamre i thingzarh hna lakah khan a lang. Chun ni lin lai i Abraham cu a thlam innka i a ṭhut lioah khan,

GENESIS 19:1

Zanlei sang ah vancungmi pahnih kha Sodom khua chung i an va luh tikah, Lot cu mi an i ton tawnnak hauka hramah khan a rak ṭhu. A hmuh hna cangka a tho zau i annih kha a rak don hna. An hmaiah cun a kun i,

2 SIANGPAHRANG 4:8

Ni khat cu Elisha cu Shunam ah a va kal i khika ah a rum minu pakhat a rak um i cu nu nih cun rawl ei a rak fial. Cucaah khika lei i a kal fate rawl ei awkah cuka ah cun a lut pah tawn.

JOB 31:19

Puan ngeih lo ruangah a thimi ka hmuh i, i aih awk a ngei lomi misifak ka hmuh i,

JOB 31:32

Khualtlawngmi kha ka inn chungah ka riahter hna i khualak lam ah ka riahter bal hna lo kha an hngalh.

ISAIAH 58:7

A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

MATTHAI 25:35

Ka rawl a ṭam i rawl nan ka pek, ka ti a hal i ti nan ka pek; khual ka si i nan inn ah nan ka tlunter.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:43

khual ka si ah nan ka tlunter duh lo, puan aih awk ka ngeih lo ah puan nan ka pe duh lo, ka zawt i thong i ka tlak ah nan ka zohkhenh duh lo,’ a ti hna lai.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

ROM 16:23

Ka tluninn pa Gaius, Khrihfabu an i pumhnak inn a ngeitu nih hin nan kut an tlaih hna. Hi khua tangka kengtu Erastas le kan unau Kuartas nih nan kut an in tlaih hna.

1TIMOTE 3:2

Khrihfabu hruaitu cu soisel awk um lomi, nupi pakhat lawng a ngeimi, zu rit hmang lomi, mah le mah aa uk khomi, ningcang tein khua a sami, khualtlung a dawmi, cawnpiak a thiammi a si lai;

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

TITAS 1:8

Khualtlung a dawmi a si lai i thil ṭha a duhmi a si lai. Amah le amah aa uk khomi, a dingmi, a thiangmi le aa sum khomi a si lai.

1 PETER 4:9

Phunzai loin pakhat le pakhat tlun inn i onh u.

3 JOHAN 1:5

Ka dawtmi ka hawi, kan unau hna kha na theihhngalh bal lomi an si nain an ca i nan rak tuahmi kha rian ṭha le zumhawktlak ngaingai a si.