HEBRU 12:7 - Lai (Hakha) Common Language Bible 2006

⁷ Harnak nan inmi cu nan pa nih an pekmi hna harnak a si ti bantukin ing ko u, zeicahtiah nan innak nih khan, Pathian nih a fale bantukin an ti hna, ti kha a langhter. Fa a simi paoh cu a pa nih a velh bal lomi aho tal an um maw?

Laibaibal Thiang (BSI)

⁷ Chimhhrinnâk nan tuar a si ahcun Pathian nih a fale bantukin an zoh hna tinâk a si, pa nih a chimhhrin lomi fa an um bal maw?

HEBRU 12:7 Iomraidhean Croise

2 SAMUEL 7:14

Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

1 SIANGPAHRANG 1:6

A pa nih zeitikhmanh ah, “Zeicahdah cu bantuk, kha bantukin na tuah?” tiin amah kha a ing a puanter bal lo. Amah cu Absalom a hun changtu kha a si i a dawh zong aa dawh ngaingai.

PHUNGTHLÛKBIA 13:24

Na fa cu dan na tat lo ahcun na huat a si, na dawt ahcun amah kha chimhring tuah.

PHUNGTHLÛKBIA 19:18

Na fale cu an no rih lioah chimhring hna, cu ti na tuah lo ahcun an rawhnak dingah na bawmh hna a si.

PHUNGTHLÛKBIA 22:15

Ngakchia nih hin hruhnak thil le thil ṭhalo hi an tuah tawn phung a si, Sihmanhsehlaw chimhhrinhnak fung nih cun ṭha deuh in a cawnpiak hna lai.

PHUNGTHLÛKBIA 29:15

Fungfek le chimhhrinnak nih fimnak an pek, sihmanhsehlaw ngakchia anmah duh in thlahdorhmi nih cun an nule kha ningzahnak an phorh hna.

PHUNGTHLÛKBIA 29:17

Na fapa cu chimhring law hnangamnak an pek lai; na lung an lawmhter lai.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

1 KORIN 11:32

Sihmanhsehlaw Bawipa nih bia a kan ceih i dan a kan tat cu vawlei sinah sualphawt chih kan si nakhnga lo caah a si.

DEUTERONOMI 8:5

Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.

1 SAMUEL 2:29

A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?

1 SAMUEL 2:34

Cun na fapa pahnih Hofni le Phinehas cungah a tlung lai dingmi hi nangmah caah hmelchunhnak a si lai: an pahnih tein ni khatte ah an thi lai.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.