HEBRU 12:6 - Lai (Hakha) Common Language Bible 2006

⁶ Zeicahtiah Bawipa nih a dawtmi hna cu dan a tat tawn hna i fa i a cohlanmi hna cu a chimhhrin tawn hna,” tiah pei a um kha.

Laibaibal Thiang (BSI)

⁶ BAWIPA nih a dawtmi kha a chimhhrin tawn i a lawmhmi fa kha a velh tawn.” timi hi.

HEBRU 12:6 Iomraidhean Croise

2 SAMUEL 7:14

Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

SALM 119:71

Dantatnak ka inmi cu ka caah a ṭha, zeicahtiah na nawlbia kha a ka hngalhter.

SALM 119:75

Bawipa, na nawlbia kha an ding ti ka hngalh i zumhawktlakmi na si caah dan na ka tat cu a si.

SALM 94:12

Bawipa, nangmah nih na chimhhrinmi, na phunglam na cawnpiakmi hna cu lunglawmmi an si,

PHUNGTHLÛKBIA 13:24

Na fa cu dan na tat lo ahcun na huat a si, na dawt ahcun amah kha chimhring tuah.

PHUNGTHLÛKBIA 3:11

Ka fapa, Bawipa chimhhrinnak cu zei rel loin um hin hlah. An mawhchiatnak nih cun in nor hlah seh,

PHUNGTHLÛKBIA 3:12

Zeicahtiah pa nih a duhmi a fapa cu a chimhhrin bangin Bawipa nih a dawtmi kha a chimhhrin ve hna.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.

ṬAHNAK HLA 3:39

Zeicahdah minung, a thi khomi minung nih hin, a phun a zai lai?

DEUTERONOMI 8:5

Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

RUTH 1:3

Sihmanhsehlaw Naomi va Elimelek cu a thi i amah le a fapa pahnih cu a roh hna.