HEBRU 12:26 - Lai (Hakha) Common Language Bible 2006

²⁶ Kha lioah khan a aw nih vawlei cu a hninh, sihmanhsehlaw atu i bia a kan kammi cu, “Vawlei lawng hi si ti loin van zong voi khat cu ka hninh ṭhan lai,” ti hi a si.

Laibaibal Thiang (BSI)

²⁶ kha cân ah a aw nih vawlei hi a rak hninh; atu ah, “Vawlei lawng hmanh si loin, voikhat cu van zong ka hninh lai,” tiah bia a rak kam ṭhân.

HEBRU 12:26 Iomraidhean Croise

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

ISAIAH 13:13

Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 66:22

“Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

JOEL 3:16

Bawipa cu Zion tlang cungin a rung huk i Jerusalem in khuarit in a rung ri. Van le vawlei cu an i hnin dih, Sihmanhsehlaw Bawipa cu a mi hna caah cun himnak a si i Israel mi caah cun ralhruang a si.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

HAGGAI 2:21

“Judah uktu bawi Zerubbabel cu, ‘Van le vawlei le

HAGGAI 2:22

pennak bawiṭhutdan hna hi ka hninh dengmang cang hna; miphun hna ṭhawnnak cu ka hrawh dengmang cang i an rangleng hna le an cung i aa citmi ralkap hna cu ka thluk dengmang cang hna; cun rangtum hna le an cung i aa citmi ralkap hna cu anmah le an hawi vainam cio khan an thi lai,’ tiah ralkapbu Bawipa nih a ti.

HEBRU 12:27

“Voi khat cu ka hninh ṭhan lai,” ti bia nih hin, sermi thil cu hninh le ṭhial an si lai ti kha fiang tein a langhter i hninh khawh lomi thil kha a hmun lai.

BIACEIHTU 5:4

“Bawipa nangmah nih Seir in na kal tikah, Edom ram in na kal tikah, Vawlei cu aa hnin i van cu an zut, Asi, khuadawm nih ruah an surter hna.