HEBRU 12:24 - Lai (Hakha) Common Language Bible 2006

²⁴ Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

Laibaibal Thiang (BSI)

²⁴ Jesuh biakam thar lamkaltu, thisen theh, Abel thisen nâk in bia ṭha deuh chimtu hna sinah a phânmi nan si.

HEBRU 12:24 Iomraidhean Croise

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

EXODUS 24:8

Cun Moses nih kheng chung thi kha aa lak i mi zapi cu a theh hna. Aa thawh i, “Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

LEVITIKAS 1:5

Cun Bawipa hmaiah cawtum kha a thah lai i Aaron fapa hna, tlangbawi hna nih khan, sa thi cu an pek lai i, tonnak thlam innka i a ummi biakṭheng kha a velchum in an theh lai.

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

MARKA 14:24

Jesuh nih cun, “Mi tampi ca i ka thletmi ka thi a si. Pathian biakamnak a fehtertu ka thi a si.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

LUKA 22:20

Cu bantuk ṭhiamṭhiam in zanriah an ei dih hnuah hrai zong kha a pek hna i “Hi hrai hi nan caah ka thletmi ka thi in khenhchihmi Pathian biakamnak a si.

GALATI 3:20

Asinain mi cu pakhat lawng a si ahcun, karlak lamkaltu a herh lo, Pathian cu pakhat lawng a si.

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 11:28

Lanhtak Puai a sertertu le innka ah thisen nan thuh lai, a titertu kha zumhnak a si; kha an tuahmi kha Thihnak Vancungmi nih Israel mi hna fater kha that hna hlah seh ti caah a si.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 7:22

Hi an i dannak nih hin Jesuh cu a ṭha deuhmi biakamnak a fehtertu ah khan a ser fawn.

HEBRU 8:13

Pathian nih biakamnak thar kong a chim caah hin a hmasa deuh kha cu a hlun ah a cang i a hlunmi le a ṭetmi paoh cu an lo zau ko lai.

HEBRU 8:6

Cucaah anmah rian nakin tampi in a ngan deuhmi rian kha Jesuh cu pek a si. Pathian le minung kar ah a sermi biakamnak cu thil ṭha deuh kamhmi ruangah a ngan deuhmi a si bantukin, a tlangbawi rian zong cu, a ngan deuhmi a si ve.

HEBRU 8:8

Sihmanhsehlaw Pathian nih a mi hna cu a mawhchiat hna i, “Bawipa nih aa thawh i, ‘Israel mi hna le Judah mi hna he biakamnak ka tuah lai ni cu a ra lio.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

HEBRU 9:19

A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i

HEBRU 9:21

Cu bantuk ṭhiamṭhiam in biaknak thlam le biaknak i hmanmi thilri vialte kha Moses nih cun a theh ve hna.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.