HEBRU 12:19 - Lai (Hakha) Common Language Bible 2006

¹⁹ muko tum thawng le aw thawng kha an hmuh an theih hna. Aw kha an theih tikah, thei ti sawh hlah u sih, tiin mizapi nih khan an nawl,

Laibaibal Thiang (BSI)

¹⁹ muko thawng le biachim thawng umnâk hmun a phânmi nan si lo, cu thawng theitu hna nih biadang an sin i chim ti lo ding tiangin an nawl.

HEBRU 12:19 Iomraidhean Croise

EXODUS 20:22

Bawipa nih Moses cu a thawh i, “Israel mi cu, ‘Nan sinah vancung in bia ka chim kha nan hmuh cang.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

1 KORIN 15:52

muko hmanung bik tum caan ah cun mit ṭhep ah kan i thleng dih lai. Zeicahtiah cu muko cu a hung than tikah a thimi hna cu a thi kho ti lomi ah thawhter an si lai i kan dihlak in kan i thleng dih lai.

DEUTERONOMI 18:16

‘Bawipa ka Pathian aw cu ka theihter ti hlah, hi mei ngan zong hi ka hmuhter ti hlah, ka thi sual ai hnga,’ tiin Horeb tlang i pumh ni i Bawipa nan Pathian nan rak halmi kha a si.

DEUTERONOMI 4:11

Cun nannih nih nan va naih i tlang hramah khan nan va dir, tlang cu meizik in van tiang aa hlio i, muihnak le khuadawm nih a zual i, a pih in a pit.

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

DEUTERONOMI 4:33

Miphun aho tal nih, nannih nih nan rak theih bang khan, pathian aw cu mei lakin an thei in an nung bal dik maw?

1THESALON 4:16

Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.