HEBRU 11:9 - Lai (Hakha) Common Language Bible 2006

⁹ Pathian nih a kamhmi ram chungah khan zumhnak in ramdangmi bantukin khua a sa. Isak le Jakob he tiah thlam chungah khan khua an sa i cu hna zong cu Pathian biakamnak a hmumi an si ve.

Laibaibal Thiang (BSI)

⁹ Zumhnâk in kamhmi ramah ramdangmi bangin a um i â lomi biakam copitu Isaak le Jakob hna he puanthlâm chungah an um,

HEBRU 11:9 Iomraidhean Croise

GENESIS 12:8

Cu hnuah cun thlanglei ah khan a vun i thawn chin i Bethel khua nichuahlei i a ummi tlang ram ah khan umhmun a khuar, cuka cu Bethel le Ai karlak ah khan a si, Bethel kha nitlaklei ah a um i Ai kha nichuahlei ah a um. Cuka ah cun biakṭheng zong kha a ser i Bawipa kha a biak.

GENESIS 13:18

Cucaah Abram nih a riahhmun cu a ṭhial i Hebron khua i Mamre thingzarh an umnak ah khan a va um, cuka ah cun Bawipa caah biakṭheng pakhat a va ser.

GENESIS 13:3

Cun riahhmun pakhat hnu pakhat in Negeb ram in Bethel khua leiah khan aa thawn, hmasa i Bethel khua le Ai khua karlak i a rak riahnak hmun kha a hei fuh.

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.

GENESIS 18:6

Abraham cu khulrang in thlam chungah khan a vung lut i Sarah cu a thawh i, “Khulrang in changvut na ngeihmi lak i a ṭha bik kha pawng sawm thum in i lak law nawng law changreu ah ser tuah,” a ti.

GENESIS 18:9

Cun annih nih, “Na nupi Sarah tah khuazei ah dah a si?” an ti. “Thlam chungah khin a um ko,” tiah a leh hna.

GENESIS 21:34

Filistin mi hna ram ah cun Abraham cu saupi a um.

GENESIS 23:4

“Kei cu hika ah hin ramdangmi le a lang i a ra um tami ka si. Cucaah nan vawlei tlawmpal cu kan i vuinak ding caah ka zuarh u law ka duh, ka nupi cu cuka ah cun ka vui khawh nakhnga,” a ti.

GENESIS 25:27

Ngakchia cu an pahnih in an hung ṭhang, Esau cu sakah thiammi a si, ramvaih a duh ngaimi a si, sihmanhsehlaw Jakob cu midai, miholhlo, inn lawng i a ummi a si.

GENESIS 28:4

Abraham thluachuah a pek bantuk khan nangmah le na tefa hna cu thluachuah in pe hna seh law, atu i na umnak ram, Pathian nih Abraham a pekmi ram hi nangmah ta si seh,” a ti.

GENESIS 31:25

Jakob cu tlang ah khan a rak riak i Laban nih cun a hun phanh. Laban zong cu Gilead Tlang ah cun a riak ve.

GENESIS 35:27

Jakob cu a pa Isak sin kha a phan, Isak cu Mamre ah khan a rak um i Mamre cu Abraham le Isak an rak umnak khua a si, (Mamre cu Kiriath-arba ti zongah ti a si, Hebron ti zongah ti a si).

GENESIS 36:7

Zeicahdah a kal ti ahcun Jakob he an umnak ram nih khan a cawm kho ti hna lo; saṭil tam tuk an ngei i hmunkhat ah an um kho ti lo.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

SALM 105:12

Pathian mi cu an rak tlawm i cu ram ah cun khual an rak si.

JEREMIAH 35:7

“Zeitikhmanh ah mitsur hang nan ding lai lo, nanmah nih siseh, nan fale nih si hna seh; inn nan sa lai lo; thlaici zong nan thla lai lo; mitsur dum zong nan ser lai lo; hi thil hna hi pakhat hmanh nan tuah hna lai lo. Sihmanhsehlaw mipem nan sinak ram ah hin saupi nan nun nakhnga nan nun chung vialte thlam chung khuasami nan si lai,” a kan ti.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.