HEBRU 11:7 - Lai (Hakha) Common Language Bible 2006

⁷ Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

Laibaibal Thiang (BSI)

⁷ Zumhnâk in Noa cu hmuh rih lomi thil kongah cung leiin ralrin pêk a si, Pathian ṭih buin a chungkhar khamhnâk caah tilawng a tuah, cu nih cun vawlei kha thiamlo a coter i zumhnâk ningin dinnâk ro cotu a si.

HEBRU 11:7 Iomraidhean Croise

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

GENESIS 6:22

Cun Noah nih khan, Pathian nih a fialmi vialte cu a tuah dih.

GENESIS 6:9

Noah tefa hna cu hihi an si: fapa pathum a ngeih hna, Shem, Ham le Jafeth an si. Noah cu miṭha a si i amah lawnglawng kha cu caan ah cun Pathian lung a tongmi a si; Pathian he i hawikomh in a nungmi a si.

GENESIS 7:23

Bawipa nih vawlei cung i a ummi thilnung vialte cu a thah dih hna, cu hna lakah cun minung zong an i tel, saṭil zong an i tel, saram hna phun zong an i tel, va zong an i tel. Hrawh lomi cu Noah le a sin i lawng chung i a ummi lawnglawng kha an si.

GENESIS 7:5

Cun Noah nih cun Bawipa nih a chimhmi vialte kha a tuah dih hna.

GENESIS 8:16

“Na nupi le na fapa hna le an nupile hna he, lawng chung hin chuak cang u.

2 SIANGPAHRANG 4:5

Cucaah amah sin cun a kal i amah le a fapale cu innka an i khar khumh i annih nih um cu an rak put hna i anih nih a rak rawn lengmang hna.

JOB 35:8

Na ṭhat lonak nih cun nangmah bantuk mi lawng hi pei a tongh khawh ko hna cu, Na dinnak zong nih mi fapa hna lawng hi pei a ṭhathnem khawh ko hna cu.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

PHUNGTHLÛKBIA 27:12

Mifim nih cun harnak a rat kha a hmuh tikah hrial khawh aa zuam, sihmanhsehlaw mihrut nih cun a pahchih thluahmah ko i a hnuah aa ngaihchih.

EZEKIEL 14:14

Noah, Daniel le Job, kha mi pathum hna hmanh kha nung rih hna seh law, anmah nunnak dah ti lo cu an dinnak nih khan ahohmanh a khamh kho hlei hna lai lo. Mah hihi Bawipa Pathian bia hrimhrim a si.

EZEKIEL 14:20

cun Noah le Daniel le Job kha cuka ah cun rak um hna hmanh seh law, an fanule si hna seh, an fapale si hna seh, ahohmanh kha an khamh kho hna lai lo, an dinnak thawngin anmah lawng kha an i khamh kho lai tiah ka nun bangin ka chim, tiah Bawipa Pathian nih a ti.

EZEKIEL 33:5

Amah mawh a si ko, zeicahtiah ralrin peknak thawng kha a theih tikah zeihmanh ah a rel lo; rak rel seh law cu a luat ko hnga.

MATTHAI 2:12

Pathian nih an mang ah Herod sin i kir ti lo ding khan a chimh hna i cucaah lam dang in an ram ah khan an kir.

MATTHAI 24:15

“Cun profet Daniel nih, ‘Ṭhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

MATTHAI 24:25

Ngai hmanh u. A hlankan in hihi kan chimchung hna hih.

MATTHAI 24:38

Tilian a tlun hlan, Noah lawng chung i a luh ni tiang kha, an ei an ding an i ṭhi an i um i

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LUKA 17:26

Noah chan ah a rak si bantuk khan Mi Fapa chan zongah a si ve lai.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

ROM 10:6

Asinain zumhnak thawngin Pathian he i remnak kong ah cun hitihin ti a si: “Nangmah le nangmah cu, Ahodah vancung ah khin a hung kai lai?” i ti hlah (cu a sullam cu Khrih kha run ṭumpi awkah ti a si).

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

ROM 9:30

A si ahcun zeitindah kan chim kun lai? Hitihin kan ti lai: Pathian he rem a rak i zuam lomi Jentail mi kha an zumhnak thawngin Pathian he an i rem cang;

GALATI 5:5

Kannih kan i ruahchanmi cu Pathian nih kannih cu amah he a kan remter lai ti hi a si i cucu Pathian Thlarau nih zumhnak thawngin a tuahmi thil kannih nih ngangngan ngaiin kan hngahmi hi a si.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

HEBRU 11:1

Zumhnak ngeih kan ti hi, kan i ruahchanmi kan hmuh ṭheo lai ti kan zumh le a taktak le a ngaingai a simi thil kan mit in kan hmuh khawh lomi hi an um ko ti kan zumh hi a si.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

1 PETER 3:20

Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

2 PETER 2:5

Hlanlio vawlei zong kha Pathian nih a rak zuah lo. Buanchukcho kha a tlunter i Pathian zei i a rel lomi kha an thi dih; a nungmi cu, dinnak kong a chimtu Noah le midang pasarih lawng kha an si.

2 PETER 3:6

vawlei hlun a hrawktu cu ti ṭhiamṭhiam, buanchukcho ti kha a si.