HEBRU 11:6 - Lai (Hakha) Common Language Bible 2006

⁶ Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

Laibaibal Thiang (BSI)

⁶ Zumhnâk lo in Amah lawmhmi si khawh a si hrimhrim lo; Pathian sinah a rami nih, Amah cu a um ti kha a zumh hrimhrim lai i biatak chuah in a kawltu sinah laksawng petu a si ti kha a zumh awk a si.

HEBRU 11:6 Iomraidhean Croise

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

JOB 21:14

Pathian sinah cun, ‘Kan sinin i ṭhen ko, na lam hngalh kha kan duh lo,’ an ti.

SALM 106:24

Ram nuam kha zeirello in an um i bia a kamhmi hna kha an zum lo;

SALM 119:10

Ka lungthin a dih umnak in na rian ṭuan kha kaa zuam; na nawlbia kha zul loin ka umnak hnga lo ka bawm.

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 78:22

zeicahtiah amah kha an i bochan duh lo i a kan khamh lai, tiah an zum duh lo.

SALM 78:32

Hi vialte khuaruahharnak a tuah ko nain mi cu an sual lengmang ko i a zumh in an zum duh lo;

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

NAMBAR 20:12

Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.

MATTHAI 11:26

Asi, ka Pa, cucu nangmah nih siseh ti na duhningte a si.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

MARKA 16:17

A zummi pawl cu hi ṭhawnnak hmelchuhnak hi pek an si lai: ka min in khuachia an ṭhawl khawh hna lai, holh theih loin an holh lai,

LUKA 12:31

Cucaah amah Pennak cu biapi bik ah ruat u law nan herhmi thil vialte hi an pek ko hna lai,” tiah a ti.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 8:24

Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

ROM 10:14

Asinain, an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai?

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

HEBRU 11:26

Messiah ruang i nihsawhnak in cu Izipt ram chawhlawn vialte nakin a sung deuh ah a rel i cucu zeicahdah a si tiah, hmailei hmuh laimi laksawng kha a rak i ruah chih caah a si.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

HEBRU 4:2

Annih nih an rak theih bantuk khan, Thawngṭha cu kan theih cang. Sihmanhsehlaw an theihmi bia kha zumhnak in an cohlan duh lo caah an caah zeihmanh a ṭhahnem lo.

HEBRU 4:6

Pathian dinhnak chungah a lutmi an um awk a si ti cu a fiang, sihmanhsehlaw Thawngṭha a thei hmasami hna nih khan an zumh lo ruangah an luh khawh lo caah Pathian nih ni dang pakhat kha a chiah ṭhan.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

2 PETER 1:5

Hi ruang hrimhrim ah hin, nan zumhnak i ṭhatnak chap kha fak piin i zuam u; cun nan ṭhatnak ah khan hngalhnak i chap u;

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.