HEBRU 11:4 - Lai (Hakha) Common Language Bible 2006

⁴ Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

Laibaibal Thiang (BSI)

⁴ Zumhnâk in Âbel nih Kain nâkin raithawinâk ṭha deuh Pathian sinah a pêk, cunihcun miding a sinâk a langhter, a pêkmi cu Pathian nih a hngalhpi i cu thil nih a thih hnu tiangin bia a chim.

HEBRU 11:4 Iomraidhean Croise

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

GENESIS 4:15

Cun Bawipa nih Kain cu, “Cuticun a si lai lo, nangmah an thatmi paoh cu a let sarih in teirul cham a si lai,” tiah a ti. Cucaah Bawipa nih Kain cungah cun, a hmumi paoh nih that hna hlah seh tiah hmelchunhnak pakhat a chiah.

GENESIS 4:25

Cun Adam nih khan a nupi cu a hngalh ṭhan i fapa a hrin. A nupi nih cun, “Kain nih a thahmi Abel airawltu ah khan Pathian nih fapa pakhat a ka pek,” a ti i a min ah Seth a sak.

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

1 SIANGPAHRANG 18:38

Cun Bawipa mei cu a rung tla ciammam i khangh thawinak le a thing le lung le leidip kha a kangh dih hirhiar hna i kahcham chung i a ummi ti kha a liah dih.

JOB 8:10

Annih nih nangmah cu an in cawnpiak in an in chim in, an hngalhnak cu an in chim hnga lo maw?

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

LEVITIKAS 9:24

Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

HEBRU 11:2

Zumhnak an rak ngeih caah hlanlio mi hna nih khan Pathian cu a lung an rak ton.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 5:1

Tlangbawi Ngan paohpaoh hi a mi hna chung khan thim a si i anmah aiawh in Pathian rianṭuantu ah chiah a si i sualnak ca i laksawng pek le raithawinak tuah kha a rian a si.

HEBRU 9:22

Nawlbia ning ah cun zei paohpaoh hi thisen in thianh a si i sualnak hi thisen luanh lawnglawng in ngaihthiam a si.

2 PETER 2:8

Cu miṭhapa cu an sinah khan khua a sa i ni khat hnu ni khat an tuahsernak a ṭha lomi nih cun a lungthin a ṭhami cu a fahter.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.