HEBRU 11:32 - Lai (Hakha) Common Language Bible 2006

³² Ka chim lengmang ko rih hnga maw? Gideon tehna, Barak tehna, Samson tehna, Jefthah tehna, David tehna, Samuel tehna, le profet hna kong chim awk tampi a um ko nain a chimnak caan ka ngei ti lo.

Laibaibal Thiang (BSI)

³² Zeidah kan chim rih lai? Gidion le, Barak le, Samson le, Jeptha le, David le, Samuel le Profet hna kong kha chim ninglaw, cân nih a kan zo lai lo;

HEBRU 11:32 Iomraidhean Croise

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

LUKA 13:28

Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai.

LUKA 16:31

Sihmanhsehlaw Abraham nih, “Moses le profet kha an bia an ngaih hna lo ahcun, mi pakhatkhat cu thihnak in a thawh hmanh ah an zum hlei lai lo,” a ti.

JOHAN 21:25

Jesuh nih a tuahmi a dang tampi a um ko rih. An dihlak in pakhat hnu pakhat in ṭial si hna seh law, an ṭialnak cauk cu vawlei nih hin a tlum hna hnga lo, tiah ka ruah.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

LAMKALTU 13:20

cucu kum za li le kum sawm nga lio hrawngah khan a rak si. “Cun cu hnuah cun profet Samuel chan tiang khan biaceihtu kha a pek hna.

LAMKALTU 3:24

Cun Samuel thawk in a hnu i a ummi profet vialte hna nih, hi atu caan kong hi an dihlak in an bia i khat tein an rak chimchung cio.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 4:1

A kan hringsortu kan pu Abraham kong kha tah zeitindah kan ti kun lai. Zeitindah a rak si kha?

ROM 6:1

A si ahcun zeitindah kan ti lai? Pathian vel cu karh chinchin seh tiah sualnak cu kan tuah chin lengmang lai maw?

ROM 7:7

A si ah zeitindah kan ti lai? Nawlbia cu a sual hnga maw? Sual hlah. Sihmanhsehlaw sualnak cu sual a si kha a kan hngalhtertu cu Nawlbia cu a si. Nawlbia nih, “Mi thil na mit va thi hlah,” tiah ti hlah seh law, mi thil mitthit cu zeidah a si ti kha ka hngal hnga lo.

JEIM 5:10

Bawipa min in bia a rak chimmi profet hna kha, ka u le ka nau hna, philh hna hlah u. Harnak chung i lungsau in sifahnak a ingmi an si caah i zohchun hna u.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

BIACEIHTU 13:24

Cun nu nih cun fapa a hrin i a min ah Samson a sak; cun ngakchiapa cu a ṭhang i Bawipa nih thluachuahnak a pek.

BIACEIHTU 15:20

Cun Filistin mi hna chan ah Israel mi cu kum kul bia a ceih hna.

BIACEIHTU 4:1

Cun Ehud thih hnuah, Israel mi nih Pathian mithmuh i thil ṭhalo kha an tuah ṭhan hoi.

BIACEIHTU 6:1

Israel mi nih Bawipa mithmuh i a ṭha lomi kha an tuah i Bawipa nih Midian kut chungah kum sarih a pek hna.

BIACEIHTU 6:11

Cun Bawipa vancungmi cu a ra i Abiezrit fapa Joash ta a simi kuhthing toiah khan a ṭhu; cucu a fapa Gideon nih Midian mi hna sinin thuh awkah mitsur hang nennak chung i changvut a tuk lio kha a si.

BIACEIHTU 6:14

Cun Bawipa cu a sin leiah aa mer i, “Hi na ṭhawnnak he hin kal law, Midian kut chungin Israel cu chuah tuah; keimah nih kan thlah lo mei?” tiah a ti.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.

1 SAMUEL 12:11

Cun Bawipa nih Jerubbaal le Barak le Jepthah le Samuel kha a run thlah hna i nan pawngkam i a ummi nan ral hna kut chungin an chuah hna i him tein khua nan sa.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SAMUEL 17:45

Cu tikah David nih cun Filistin mipa cu a thawh i, “Nang nih cun vainam le fei le fei nganpi he na ka chuahhnawh; sihmanhsehlaw kei nih cun ralkapbu Bawipa, Israel ralkapbu hna i an Pathian, na zawmhtaihmi min khan kan chuahhnawh.

1 SAMUEL 2:11

Cun Elkanah cu Ramah khua ah inn ah a tlung. Cun ngakchiapa cu tlangbawi Eli hmaiah Bawipa rian kha a ṭuan.

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.

1 SAMUEL 2:4

A ṭhawngmi an likuk cu an kiak, Sihmanhsehlaw a derthawmmi nih thazang an i hruk.