HEBRU 10:4 - Lai (Hakha) Common Language Bible 2006

⁴ Zeitintiah cawtum thi le meheh thi nih cun sualnak kha a hlo kho taktak bal lo.

Laibaibal Thiang (BSI)

⁴ Zeitintiah cawpa le meheh thisen nih sualnâk a lohter kho lo.

HEBRU 10:4 Iomraidhean Croise

SALM 51:16

Raithawinak hi na duhmi an si lo, rak si hna seh law cu ka rak in pek ko hnga; na lawmhmi cu khangh thawinak zong hi a si lo.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

ROM 11:27

An sualnak kha ka lakpiak hna tikah Hi biakamnak hi anmah he ka tuah lai,” tiah a ti bang khan a si lai.

HEBRU 10:1

A taktak le a ngaingai a simi thil kha Judah phung nih hin tling ngaingai le hmaan ngaingai in a langhter kho lo. A ra dingmi thil ṭha muithlam ceo a rak si. An tuah tawnmi raithawinak kha kum fate in tuah lengmang a si ko. Cucaah cun zeitindah hi Nawlbia nih hin, Pathian a biami hna cu, cu raithawinak an tuahmi thawng cun mithiang ah a ser khawh hna lai?

HEBRU 10:11

Judah tlangbawi hna nih cun, dirhmun in an rian kha ni fate an ṭuan lengmang i raithawinak an pekchanh tawnmi kha voi tampi an pekchanh lengmang. Sihmanhsehlaw hi raithawinak nih hin sualnak kha a thianh kho taktak bal lo.

HEBRU 10:8

A hmasa bik ah, “Raithawinak siseh, pekchanhmi thil siseh, biakṭheng cungah khanghmi saram si hna seh, sual thianhnak caah tuahmi raithawinak si hna seh, na duhmi an si lo i na lawmhmi zong an si lo,” a ti. Hi raithawinak vialte hi Nawlbia ningin tuah an si ko nain hitihin a ti.

HEBRU 9:9

Hi tahchunhnak hi atu kan caan i a ummi thil kong ah a si. Pathian sin i pekchanhmi laksawng le saram raithawinak nih khan Pathian a biatu lungthin kha tling lakin a ṭhatter kho lo.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.