HEBRU 10:36 - Lai (Hakha) Common Language Bible 2006

³⁶ Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

Laibaibal Thiang (BSI)

³⁶ Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

HEBRU 10:36 Iomraidhean Croise

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

SALM 40:1

Bawipa bawmhnak cu ka hngak lengmang i a donghnak ah ka aunak cu a ngaih i a theih.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

MATTHAI 24:13

Sihmanhsehlaw a dongh tiangin a fekmi cu khamh an si lai.

MATTHAI 7:21

“ ‘Bawipa, Bawipa,’ tiah a ka timi paoh in Vancung Pennak chungah an lut dih lai, tinak a si lo, sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.

MARKA 3:35

Zeicahtiah Pathian nih tuah hna seh, tiah, a duhmi thil a tuahmi paoh cu ka nau, ka far le ka nu an si,” tiah a ti.

LUKA 21:19

Fek tein dir ko u, zeicahtiah hitihin pei nan nunnak cu nan khamh lai cu,” tiah a ti.

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 8:25

Sihmanhsehlaw kan mit in kan hmuh lomi kha kan i ruahchan ahcun, cucu lungsau in kan hngah a langhnak a si.

1 KORIN 13:7

Dawtnak cu a lung a dong bal lo, zumhnak a ngei, ruahchannak a ngei, a lung a sau i a thin a fual.

GALATI 6:9

Cucaah ṭhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

EFESA 6:6

An in zoh hna lio lawngah an lung tong dingin um hlah u, sihmanhsehlaw Khrih sal bantukin Pathian duhmi kha nan lungthin tak tein tuah u.

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

KOLOSE 3:24

Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

HEBRU 11:39

Hi mi vialte hna hi an zumhnak ruangah hin zeitluk in dah thangṭhat awk an tlak? Asinain Pathian nih a kamhmi hna thil kha a hmuh hmanh an hmu lo,

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

HEBRU 6:12

Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

HEBRU 6:15

Abraham cu a lung a sau i cucaah Pathian nih bia a kamhmi kha a hmuh khawh.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

1 PETER 1:9

Cucaah nan zumhnak nih aa tinhmi nan thlarau khamhnak cu nan hmuh caah, holh in chim khawh lomi lawmhnak, a nganmi le a sunglawimi lawmhnak kha nan ngei.

1JOHAN 2:17

Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.