HEBRU 10:32 - Lai (Hakha) Common Language Bible 2006

³² Hlan deuh thil umtuning kha ruat hmanh u. Ceunak nan hmuh kate kha va si kaw, kha caan ah khan harnak tampi nan ing, asinain harnak nih khan an tei hna lo.

Laibaibal Thiang (BSI)

³² Hlan i ceunâk nan rak hmuh hnu i temtuarnâk le buainâk nganpi nan tuarmi kha ruat ṭhân hmanh u,

HEBRU 10:32 Iomraidhean Croise

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

KOLOSE 2:1

Nanmah caah siseh, Laodisia mi hna caah siseh, cun pumpak in a ka hngal lomi hna caah siseh, zeitluk fak in dah ka ṭuan ti kha kan theihter tuah hna lai.

HEBRU 12:4

Zeicahtiah sualnak nan dohnak ah hin thihnak tiang ngaingai cu nan ing rih lo.

HEBRU 5:12

Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

HEBRU 6:4

Zeitindah a tlu ṭhanmi hna cu ngaihchihnak an ngeih ṭhan khawh ti lai? Annih cu Pathian ceunak chungah a rak um cangmi an si, vancung laksawng kha a tep i Thiang Thlarau a co ve cangmi an si.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

BIAPHUAN 2:5

Zeitluk niam i na tlak cang kha philh hlah. Na sualnak kha mertak hna law hmasa i na rak tuah tawnmi kha tuah ṭhan hna. Na sualnak kha na mertak hna lo ahcun, ka ra lai i na mei vannak kha a umnak hmun in ka ṭhial lai.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.