HEBRU 10:25 - Lai (Hakha) Common Language Bible 2006

²⁵ Pakhat le pakhat hmun khat i i pumh lengmang kha ngol hlah u sih; a cheu nih cun ngol hmanh hna seh law, kannih cu i forh chin u sih, zeicahtiah Bawipa Ni cu a nai deuh chin lengmang ti kha kan hngalh caah i forh chin lengmang ko u sih.

Laibaibal Thiang (BSI)

²⁵ Cheukhat nih an ngol bangin, hmunkhat te ah i pumh lengmang hi ngol hlah usih, Ni cu a naih chin lengmang bangin i forhchin lengmang in pakhat le pakhat nan lung thawhter i zuam u.

HEBRU 10:25 Iomraidhean Croise

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 18:20

Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

LAMKALTU 16:16

Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.

LAMKALTU 2:1

Pentekos ni kha a phak tikah zumtu vialte cu hmunkhat ah an i pum.

LAMKALTU 2:42

Lamkaltu hna cawnpiaknak ngaih awkah khan atu le atu an i pum i hawikomhnak ah khan an i tel i hawikomhnak rawl an dum ṭi i thla an cam ṭi lengmang.

LAMKALTU 20:7

Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.

ROM 12:8

midang thazang pek kha a si ahcun kan pek hna awk a si, kan ngeihmi thil midang hrawm ve kha a si ahcun siang tein kan hrawm hna awk a si, nawl ngeihnak kha kan laksawng hmuhmi a si ahcun, fak piin rian kan ṭuan awk a si; midang zaangfah kha a si ahcun lunglawm tein kan zaangfah hna awk a si.

1 KORIN 11:20

Hmunkhat i nan i pumh ah khan Bawipa Zanriah ei awk i nan i pumh a si ṭung lo.

1 KORIN 14:23

Cucaah khrihfabu cu hei i pum u law, cu nan i pumhnak ah cun nan dihlak in holhtheihlo in hei holh u law — mi pakhatkhat maw, asiloah Pathian bia lomi maw rung lut seh law, mihrut an i ti hna hnga lo maw?

1 KORIN 14:3

Asinain Pathian bia a chimtu nih cun minung sin tu ah khan a chim i bawmhnak le lungṭhawnnak le hnangamnak kha a pek hna.

1 KORIN 3:13

Cun an sakmi cio cu zeidah an lawh taktak ti kha Khrih Ni nih a langhter te hna lai. Zeicahtiah cu Ni mei nih cun an rianṭuanmi kha a hneksak cio hna lai i zeidah an lawh taktak ti cu mei nih cun a langhter lai.

1 KORIN 5:4

Nannih nan i pumh tikah, kei zong kan sinah a ummi kan Bawipa Jesuh ṭhawnnak thawngin ka lungthin in nan sinah kaa pumh ve caah,

FILIPI 4:5

Mi vialte sinah nemnak tein va um u. Bawipa cu tuan ah a ra lai.

1THESALON 4:18

Cucaah pakhat le pakhat hi bia hin nan tha i nuamter cio u.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

HEBRU 10:37

Zeicahtiah Cathiang nih, “Tlawmpalte lawnglawng hnuah a ra dingmi cu a ra lai, a rau lai lo.

HEBRU 13:22

Ka u le ka nau hna, ca kan kuatmi hna hi a sau zong a sau lem lo i cucaah cun lung ṭhawnnak bia kan chimhmi hna hi lungsau ngaiin rak zul u tiah kan nawl hna.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

JEIM 5:8

Nannih zong nan lung a sau awk a si. Ruahchannak sangpi ngei ko u. Bawipa cu a ra dengmang cang.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

2 PETER 3:11

Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

JUDAS 1:19

Hi hna cu ṭhennak a chuahtertu, an pumsa duhnak nih a ukmi, Thlarau a ngei lomi an si.