HEBRU 10:24 - Lai (Hakha) Common Language Bible 2006

²⁴ Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

Laibaibal Thiang (BSI)

²⁴ Cun dawtnâk le thilṭha tuahnâk in i tharthawh dingin ruat cio u sih.

HEBRU 10:24 Iomraidhean Croise

SALM 41:1

Sifak zawn a ruatmi cu lunglawmmi a si, harnak chung i a um tikah Bawipa nih a bawmh lai.

PHUNGTHLÛKBIA 29:7

Miṭha nih cun, sifakmi hna nih zeidah an covo si awk a si ti kha a hngalh, Sihmanhsehlaw miṭhalo nih cun cu bantuk zawnruahnak cu a hngal lo.

LAMKALTU 11:29

Zultu pawl nih khan anmah le an ti khawh tawk cio ah Judah ram i a ummi unau pawl bawmhnak pek awkah khan an i ceih.

ROM 11:4

Pathian nih zeitindah a leh kha? “Keimah caah mi thong sarih, Pathian deu Baal a bia lomi kaa chiah ko hna,” tiah a ti a si lo mei?

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1 KORIN 9:22

Zumhnak lei i a dermi hna sinah, anmah cu ka lak khawh hna nakhnga anmah bantuk i a dermi ah kaa cang. Cucaah zeimaw ti tal in ka khamh kho hna hnga maw tiin mi kip sinah an sining paoh in ka um ve.

2 KORIN 8:8

Phung zeihmanh kaan chiahpiak hna lo. Sihmanhsehlaw midang nih zeitluk in dah bawmhnak lei ah an lung a thawh ti ka langhternak nih hin, nan dawtnak hi a tak maw tak lo ti kha fianter seh ti ka duh.

2 KORIN 9:2

Bawmh nan duh hna ti kha ka hngalh ko i cucaah cun Masidonia ram mi hna sin zongah cun nanmah kong cu ka vaa porhlaw. “Grik ram i a ummi kan unau pawl cu nikum khan bawmh an i timhnak cu a si cang,” tiah ka ti hna. Nan lungṭhawhnak nih khan a tam deuh cu an lung a canghter ve hna.

GALATI 5:13

Ka u le ka nau hna, nannih cu luat dingin kawhmi nan si. Asinain cu luatnak cu nan pumsa duhnak ca i caan ṭha men ah khan hmang hlah u. Pakhat le pakhat kha dawtnak in nan rian tu i bawm u.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

1THESALON 5:11

Cucaah cun atu i nan tuah lengmang bantuk hin pakhat le pakhat thazang i pe u law i bawm u.

2 THESALON 3:9

Mah ti kan tuah kha, nan kan cawm ve awk a si tinak nawl kan ngeih lo caah a si lo, nanmah zohchun dingah kan tuahmi a si.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

TITAS 2:4

Nu no deuh pawl kha, an vale le an fale dawt an thiam nakhnga le,

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

HEBRU 13:1

Khrih chungah unau nan si bantukin pakhat le pakhat i daw zungzal u.

HEBRU 13:3

Thong a tlami kha, an sin i thong a tla vemi bantukin philh hna hlah u. Hremnak a ingmi kha, an sin i hremnak a ing vemi bantukin philh hna hlah u.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.