HEBRU 10:11 - Lai (Hakha) Common Language Bible 2006

¹¹ Judah tlangbawi hna nih cun, dirhmun in an rian kha ni fate an ṭuan lengmang i raithawinak an pekchanh tawnmi kha voi tampi an pekchanh lengmang. Sihmanhsehlaw hi raithawinak nih hin sualnak kha a thianh kho taktak bal lo.

Laibaibal Thiang (BSI)

¹¹ Tlângbawi hna cu nichiar tein sualnâk a la kho lomi thawinâk tuah in an dir lengmang ko.

HEBRU 10:11 Iomraidhean Croise

EXODUS 29:36

Ni fate in sual thawinak caah cawtum pakhat lengmang na thawi lai, cucu sual ngaihthiamnak caah a si lai. Cu bantukin sual ngaihthiamnak ca thawinak na tuahmi nih cun biakṭheng cung khan sualnak cu a kalpi. Cun biakṭheng cu chiti na thuh lai i na thianter lai.

ISAIAH 1:11

Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

EZEKIEL 45:4

Hi hmun cu hmun thiang chung i rian a ṭuanmi tlangbawi hna le Bawipa rian ṭuannak i cuka hmun naih bik i a rami hna caah a si. Cu chungah cun an inn ca hmun le hmun thiang ca i a thiangmi hmun kha an i tel lai.

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 12:11

Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 8:11

Vancung siangpahrang hmanh kha zeirello in a um i raithawinak an pek zungzal tawnmi kha a hrawh i hmunthiang chung biaknak zong kha a hrawh.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

MIKAH 6:6

Bawipa cu ka fuh tikah zeidah kaa put lai? Cungsang ah a ummi Pathian hmaiah zeitindah ka kun lai? Khangh thawinak le kum khat a timi cawfa hna he maw amah cu ka fuh lai?

NAMBAR 28:24

Hi bantuk ṭhiamṭhiam in ni sarih chung cu nifate in mei in pekchanhmi rawl, Bawipa ca i rimthaw cu, nan pekchanh lai; tlaihlan khangh thawinak le a thlet thawinak hleiah khan mah hihi nan pekchanh lai.

NAMBAR 28:3

Cun annih cu hi bangin na chimh hna lai, Mah hihi Bawipa sinah mei in nan pekchanhmi thawinak cu a si lai: tlaihlan thawinak caah ni khat hnu ni khat in kum khat a timi tuufa dotla a pa pahnih.

NAMBAR 29:6

mah hna hi, thlapa thar i khangh thawinak le a changvut thawinak le tlai hlan khangh thawinak le a changvut thawinak le an thlet thawinak an phunglam ningin, rimthaw Bawipa sin i mei in pekchanhmi hleiah an si.

HEBRU 10:1

A taktak le a ngaingai a simi thil kha Judah phung nih hin tling ngaingai le hmaan ngaingai in a langhter kho lo. A ra dingmi thil ṭha muithlam ceo a rak si. An tuah tawnmi raithawinak kha kum fate in tuah lengmang a si ko. Cucaah cun zeitindah hi Nawlbia nih hin, Pathian a biami hna cu, cu raithawinak an tuahmi thawng cun mithiang ah a ser khawh hna lai?

HEBRU 10:4

Zeitintiah cawtum thi le meheh thi nih cun sualnak kha a hlo kho taktak bal lo.

HEBRU 5:1

Tlangbawi Ngan paohpaoh hi a mi hna chung khan thim a si i anmah aiawh in Pathian rianṭuantu ah chiah a si i sualnak ca i laksawng pek le raithawinak tuah kha a rian a si.

HEBRU 7:27

Amah cu tlangbawi dang hna bantuk kha a si lo, amah sualnak caah siseh, midang sualnak caah siseh, ni fate in raithawinak tuah kha a herh lo. Amah le amah raithawinak i aa pek ah khan zungzal ca za in raithawinak pakhat a tuah.

HEBRU 8:2

Hmun Thiang Bik chungah khan Tlangbawi Ngan rian kha a ṭuan i cu a ṭuannak cu minung sakmi si loin Pathian sakmi biaknak thlam taktak chungah khan a si.

HEBRU 8:4

Vawlei cungah hin cun Tlangbawi Ngan a rak si hnga lo, zeicahtiah Judah phung ningin laksawng a pechantu tlangbawi kha an um ko.