HEBRU 1:1 - Lai (Hakha) Common Language Bible 2006

¹ Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

Laibaibal Thiang (BSI)

¹ Pathian, hlan lio ah cân dang dangah phun dang dangin hringtu hna sinah profet hna hmangin bia a rak chimtu nih khan,

HEBRU 1:1 Iomraidhean Croise

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

GENESIS 6:3

Cun Bawipa nih aa thawh i, “Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo,” a ti.

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

LUKA 1:55

Abraham le a tefa vialte hna sinah zungzal in zaangfahnak langhter ding kha a philh lo,” tiah a ti.

LUKA 1:72

Kan pupa hna cu, nan cungah zaangfahnak ka ngei lai, a ti hna i a thiangmi a biakamnak kha ka philh lo,’ tiah a ti hna.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

JOHAN 7:22

Moses nih nan fale cu an cuarpar nan tan hna lai tiah nawl an pek hna caah Sabbath ni hmanh ah nan tan ko hna, (a thawktu cu Moses si loin nan pupa hna tu kha an rak si).

JOHAN 9:29

Pathian nih Moses sinah bia a chim ti cu kan hngalh, sihmanhsehlaw kha pa kha cu, a ratnak khuazei in a si ti hmanh kan hngal lo,” an ti.

LAMKALTU 13:32

Cun atu hi, hi Thawngṭha hi nannih sin phakpi awkah hika i kan ratnak cu a si. Kan pupa hna sinah, ka tuah lai, tiah Pathian nih bia a rak kammi kha, kannih an tefa hna sinah hin atu cu a tuah cang, cucu Jesuh a nunter ṭhan hi a si. Cucu Salm fung hnihnak chung i ‘Nangmah cu ka Fapa na si, nihin ah na Pa ka si cang,’ tiah aa ṭial bantuk khan a si.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 3:21

Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

HEBRU 11:18

Pathian nih Abraham cu a rak thawh i, “Tefa na ngeih laimi cu Isak chung chuak hi an si lai,” a rak ti.

HEBRU 11:2

Zumhnak an rak ngeih caah hlanlio mi hna nih khan Pathian cu a lung an rak ton.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 2:2

Vancungmi hna pekmi bia hmanh kha ahmaan ti a si i a zul lomi le a ngai lomi cu dantatnak hmuh awk an i tlakmi kha pek an si ahcun,

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

HEBRU 3:5

Moses cu Pathian inn chungah khan rianṭuantu zumh awk tlak a rak si i Pathian nih hmailei ah a rak chim lai dingmi zong kha a rak chim.

HEBRU 4:8

Joshua nih Pathian dinhnak chungah khan a rak luhpi hna ahcun, cu hnuah cun Pathian nih, ni dang, timi kha a chim ti hnga lo.

HEBRU 5:5

Cu bantuk ṭhiamṭhiam in Khrih zong nih khan amah nawl in Tlangbawi Ngan ah aa canter lo. Pathian tu nih, “Nangmah cu ka Fapa na si, Nihin ah na Pa ah ka cang,” tiah a ti.

HEBRU 9:19

A hmasa bik ah Nawlbia nih a ti bantukin, Moses nih mizapi kha nawlbia vialte cu a relpiak hna. Cun cawfa thi kha aa lak i ti he a cawh hnuah, Nawlbia cauk le mizapi kha, hisop le tuuhmul sen in a theh hna i