HAGGAI 2:9 - Lai (Hakha) Common Language Bible 2006

⁹ Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

HAGGAI 2:9 Iomraidhean Croise

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

ISAIAH 66:12

Bawipa nih aa thawh i, “A hmunmi rumnak kha kan pek hna lai; miphun hna chawva cu a kao bal lomi tiva bantukin nan chungah a rung luang lai. Nu nih a cawmmi a fa, a cawi a pommi bantuk nan si lai.

EZEKIEL 43:5

Thlarau nih a ka cawi i chunglei tual ah khan a ka chiah i Bawipa sunparnak cu biakinn cu a khat.

MIKAH 5:5

Amah cu daihnak mi a si lai. Assiria mi cu kan ram chung i an rung luh tikah le Kan ralhau hna kha an baoh khawh hna tikah, Anmah dohtu dingah kan hruaitu a ṭhawng bikbik kha kan thlah hna lai.

HAGGAI 1:8

Tlang ah khin hung kai u law thing hung la u law ka sunparnak ka langhter khawh nakhnga ding, ka ca i aa tlakmi inn pakhat in sa tuah u, tiah Bawipa nih a ti.

HAGGAI 2:3

“Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.