GENESIS 9:4 - Lai (Hakha) Common Language Bible 2006

⁴ asinain sa kha a chung i thi a um lioah cun nan ei lai lo, zeicahtiah nunnak cu thi cu a si.

GENESIS 9:4 Iomraidhean Croise

EZEKIEL 33:25

Cucaah annih cu chim hna law, hihi Bawipa Pathian bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

LEVITIKAS 7:26

Cu hlei ah zei thi paoh, va thi siseh, saram thi siseh, khuazei nan umnak hmanh ah nan ei lai lo.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

LAMKALTU 15:25

Cucaah kannih cu kan i pum i nan sin i thlah ding lamkaltu hna thim awkah khan kan hna a tla. Annih cu kan dawtmi kan unau hna Barnabas le Paul,

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

DEUTERONOMI 12:16

A thi bel kha nan ei lai lo; vawlei cungah ti bangin nan thlet lai.

DEUTERONOMI 12:23

A thi bel kha ei hrimhrim hlah u; zeitintiah thi cu nunnak a si i nunnak cu sa he nan ei lai lo.

DEUTERONOMI 14:21

“Zeihmanh amah thih in a thimi cu nan ei lai lo; ramdangmi nan khua chung i a ummi hna kha nan pek hna lai, an duh ahcun an ei hna lai, asiloah phun dangmi sinah nan zuar khawh lai; zeitintiah nannih cu Bawipa nan Pathian caah a thiangmi miphun nan si. “Meheh fa cu a pi hnuk in nan chuang lai lo.

DEUTERONOMI 15:23

A thi bel nan ei lai lo; vawlei ah ti bantukin nan thlet lai.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

1 SAMUEL 14:32

mi hna nih cun hranchaw kha an zuanhnawh hna i tuu hna le cawtum hna le cawfa hna kha an lak hna i vawlei ah an thah hna i mi nih cun an thisen he an ei chih hna.