GENESIS 9:3 - Lai (Hakha) Common Language Bible 2006

³ Saram vialte le thlaihring vialte cu nan ei khawh hna lai; an dihlak in rawl caah kan pek hna;

GENESIS 9:3 Iomraidhean Croise

GENESIS 9:2

Vawlei cung saram vialte, va hna le saram hna phun hna le nga hna zong nih an in ṭih hna lai. Annih cu an dihlak in nanmah kut tangah chiah an si.

LEVITIKAS 22:8

I thurter awkah amah tein a thimi siseh, sa nih a sehmi siseh, a ei lai lo; keimah cu Bawipa ka si.’

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

ROM 14:20

Rawl ruang menmen ah Pathian thil tuahmi kha rawk hlah u. Rawl vialte hi ei awk an si ko lai, sihmanhsehlaw midang kha sualnak chungah a tlukrilhtertu rawl ei cu zei rawl a si hmanh ah sual a si.

ROM 14:3

Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.

1 KORIN 10:23

“Zeipaoh kan tuah khawh ko,” an ti. Asi, an tuah khawh ko, sihmanhsehlaw zeipaoh hi an ṭha dih lo. “Zeipaoh kan tuah khawh ko,” asinain zeipaoh hi kan caah an ṭhahnem dih lo.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

DEUTERONOMI 12:15

“Sihmanhsehlaw Bawipa nan Pa-thian nih thluachuah vanluhnak an pek hna ningin, nan khua khua zeipaoh ah, nan duh tawk in, sa cu nan thah lai i nan ei lai; sazuk le sakhi hna cu a thianglo zong a thiang zong nih an ei hna bangin, nan ei lai.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.